“Getting into one of the boats, the one belonging to Simon, he asked him to put out a short distance from the shore.”

Para sa mapayapang buhay at masayang buhay, tayo ay sumasakay sa buhay ng mga taong mahalaga sa atin at hinahayaan natin ang mga taong mahalaga sa atin at gusto natin ay makasakay sa buhay natin.

Ngunit dapat nating malaman na kahit na kanino tayo sumakay ay hayaan nating makasakay o makapasok sa buhay natin ang mga taong mahalaga sa atin. Hindi pa rin tayo matatahimik, hindi pa rin natin mararanasan ang kapayapaan at kasayahang hinahangad natin.

Mangyayari lamang ito kung hahayaan at aanyayahan natin ang DIYOS na makapasok o makasakay sa buhay natin.

Ikaw, kailan mo sa PASASAKAYIN SA BANGKA NG BUHAY MO ANG PANGINOON NATING DIYOS? Sana ito ay mangyari sa lalong madaling panahon.

Amen.

Saturday, 4th Week in Ordinary Time

Pinaguusapan sa mga pagbasa sa araw na ito ang mga PASTOL. Ang pastol ay ang taong tinawag upang maging ating mga gabay sa buhay. Ngunit hindi naman lahat ay mabubuting pastol kaya nga magandang suriin natin kung sino ang ating susundan upang sundin. 

Ang salitang Pastol ang gagawin nating gabay sa pagninilay.

P – iliin natin kung sino ang susundan at tutularan natin. Huwag lamang sana tayong sunod ng sunod at huwag lamang sumusunod kung sino kilala at magaling sa halip sundan at tularan ang mabuti.

A – lalahanin natin ang mga ginawa ng Panginoon at ang halimbawa ng mga Banal na tunay na nanguna at naglingkod sa mga mananampalataya. Ito din sana ang maging gabay sa pagpili ng ating pastol.

S – uriing mabuti ang pastol na susundin… sundin ang mabuting pastol at talikuran ang mga pastol na hindi nagpapakita ng paggalang sa Diyos at sa buhay ng Tao.

T – anggapin at tupdin ang tamang daan na kung saan doon tayo ay dinadala at iwaksi ang mali.

O – ra o pagdarasal, mahalaga din ipanalangin natin na bigyan tayo ng mga pastol na tunay na gagabay sa atin at mga pastol na tunay na mangunguna sa atin.

L – iwanag ng Diyos ang ating hingiin upang makita natin ang tama, totoo at dapat nating sundin mula sa mga pastol na bigay sa atin ng Diyos.

Amen.

Thursday, 4th Week in Ordinary Time

“Jesus summoned the Twelve and began to send them out two by two.”

Sa Ebanghelyo ngayon, ipinapahayag ang pagtawag at pagsugo sa Labindalawa para magmisyon. Ang pagmimisyon ay nangangahulugang maging mga saksi (pagsasabuhay) at tagapagpahayag ng Mabuting Balita ng Diyos. 

Sa panahon ngayon, wala na ang labindalawa. Ngunit naghahanap pa rin ang Panginoon ng kanyang mga ipapadala. Mga ‘pakners’ (partner) niya sa paghahatid ng Mabuting Balita sa pamamagitan ng salita at gawa (pagsaksi). Maari ka bang maging ‘pakner’ ng Panginoon sa gawaing ito upang mas madami pa ang makatanggap nito?

Makabilang sana tayo sa mga ‘ka-pakner’ ng Panginoon at mga apostoles Niya sa panahong ito.

Amen.

4th Sunday in Ordinary Time

Ang ating Unang Pagbasa sa Linggong ito ay tungkol sa pagtawag kay Jeremias upang maging propeta ng Panginoon; “Tagapagpahayag ng Mabuting Balita.”

Napapanahon ang Ebanghelyo nating ito sapagkat sa katotohanan, nangangailangan tayo ng propeta sa panahon natin ngayon. Nangangailangan tayo ng mga taong magpapahayag ng Mabuting Balita, Tamang Balita at nakatutulong na Balita; at hindi FAKE NEWS.

Pwede ka ba?

Paano ba ako magiging propeta sa panahon natin?

Mga kapatid, majority sa atin ay may mga cellphones na. Marami din naman ang may Facebook o Messenger. Ang makabagong teknolohiya at pamamaraan ng pakikipag-ugnay ay maaari nating gamitin upang maipahayag ang Mabuting Balita mula sa Panginoon. Sa pamamagitan ng mga bagay na ito at teknolohiyang ito na nangangalat at naipapahayag ang mga FAKE NEWS, gayundin nagagamit upang sirain ang kamalayan ng mga kabataan. BAKIT NGA BA HINDI NATIN GAMITIN ANG MGA ITO UPANG IPAHAYAG ANG MABUTING BALITA? Kung titingnan natin ang ating mga sarili, maraming oras tayong nagagamit at naaaksaya dahil sa mga cellphones, Facebook at marami pang iba. Bakit di natin gamitin ito ng kapaki-pakinabang. Ano nga ba naman ang magpost tayo ng isang verse mula sa Bible. Ano ba naman ang i-share natin ang mga kabutihan ng Diyos na naranasan natin. Ano ba naman ang i-post natin ang mga katuruan ng ating simbahan lalo na sa mga turo na sumasagot sa karaniwang paninira ng ibang dominasyon at relihiyon laban sa atin.

Sa pamamagitan ng munting gawain na ito ay makakatulong tayong maipahayag ang Mabuting Balita. Tayo nawa ay makabilang sa mga propeta sa panahon natin ngayon.

Amen.

Friday, 3rd Week in Ordinary Time

“You need endurance to do the will of God and receive what he has promised.”

Kung may ginugusto o ninanais tayo, usually nagsasakripisyo tayo o nagtitiis tayo. May pagkakataon na may mga igini-give up pa nga tayo para ang ninanais natin ay makamtan natin.

Sana ito din ang maging attitude natin pagdating sa Panginoon. Gusto o mahal natin Siya at ninanais natin na makapiling Siya kaya willing tayong magtiis at iwan ang mga bagay na humahadlang upang mapalapit tayo sa Kanya.

Humingi tayo ng biyaya sa Panginoon upang tayo ay maging matiyaga at matatag sa pagsunod sa kanya kahit ito ay nangangahulugang magtiis, magsakripisyo at masaktan sa ngalan ng pagmamahal sa Kanya.

Amen.

“Is a lamp brought in to be placed under a bushel basket or under a bed, and not to be placed on a lampstand?”

Sa Ebanghelyo natin ngayon, nais kong bigyang diin sa aking pagninilay ang ILAW na dala ng lampara na binabanggit ng Panginoon.

Ano nga ba ang paalala ng ILAW sa lampara na nabanggit ng Panginoon mula sa ating Ebanghelyo?

I – wasan at iwanan ang mga tao, bagay at pagkakataong naglalayo sa atin sa Panginoon at nagdadala sa atin sa kapahakan.

L – akasan ang loob… huwag mahiya at matakot lumapit sa Diyos upang humingi sa kanya ng tulong.

A – lalahanin lagi ang Salita ng Diyos na siyang tunay na ilaw na gagabay sa ating paglalakbay.

W – ag mahihiya o matatakot ibahagi sa kapwa ang karunungan na natutunan para sila man ay makasunod sa landas itunoro ng Panginoon.

Mga kapatid nawa makatulong sa ating paglalakbay ang ilaw na ito upang liwanagan tayo sa ating paglalakbay.

Amen.

Monday, 3rd Week in Ordinary Time

The scribes who had come from Jerusalem said of Jesus, “He is possessed by Beelzebul,” and “By the prince of demons he drives out demons.”

Sa Ebanghelyo ay nagpaliwanag ang ating Panginoong Hesus para sa pagpapaunawa na tila ba sinasabi Niya sa mga tao lalo na sa mga eskriba na tila ba walang ka-LOGIC-LOGIC at kulang na kulang sa pag-iisip at pagninilay sa realidad.

Sa pananampalataya, hindi lamang basta tanggap ng tanggap. Kailangan din unawain.

Sa pananampalataya, hindi pwedeng reklamo lang ng reklamo o kritiko lang ng kritiko; mahalagang inuunawa din natin ito.

Sa pananampalataya, kailangan din mag-isip. Kailangan din na gamitin ang talino at galing.

Ito rin naman ang ipinapahayag ni Sto. Tomas; ang gamitin ang talino at maayos na pag-iisip tungo sa kaunawaan. Kaya nga sa kanyang mga isinulat makikita natin ang paggamit niya ng kanyang talino at galing pati na rin ang kanyang pilosopiya.

Amen.

Ang Inay Candi Tagapagtanggol?
(Kwento ng Paracaleño)

Ngunit bukod dito nauunawaan ko ang na siya ay tagapagtanggol dahil siya ay isang INA (John 19:27) 

Naalala ko:

Isang pamilya ang binisita ko. Doon ako ay nakikain at pagkatapos nakikape na din. Habang ako ay nagkakape, nagkwento ang kaibigan ko tungkol sa kanyang anak. Sabi pa niya, inaapi ng ilang mga bata ang kanyang anak, kinakantyawan, sinisiraan at kung anu-ano pa. At dahil doon sinugod niya ang mga bata at pinagsaabihan gayundin ang mga magulang nito. Sabi ko naman sa kanya, “Mga bata yan, hayaan mo sila at huwag kang makikisali sa away ng mga bata.” Ngunit nabigla siya at nag-react agad na ang sabi “Father, di po pwede yun, palibhasa di ka po INA.”

Ganoon din ang Inay Candi. Ang pagtatanggol niya ay hindi sa MADUGONG PAMAMARAAN ngunit sa kanyang pagiging INA. Ang nais niya ay mapabuti tayo kaya ang pagtatanggol niya ay nauna na. Wala pa man ang tagapag-usig ay tinutulungan na niya at iniiwas niya tayo sa pamamagitan ng paggabay sa atin sa pamamagitan ng kanyang HALIMBAWA na dapat nating TULARAN. Ito ay upang tayo ay maiadya sa maaring mang-usig sa atin at sa iba pang kapahamakan. Hinihikayat niya tayong:

L – isten (John 2:7) 
“Do whatever he tells you.”

P – rayer (Luke 2:19)
Mary treasured up all these things and pondered them in her heart.

A -cceptance of the will of God (Luke 1:38) Your will be done.

Si Inay Candi ay mananatiling tagapagtanggol natin sapagkat siya ay ating INA. Makinig tayo sa kanya at magpa-gabay tayo sa kanya.

Amen.