Reflection

Namumuno/Lider (April 3, 2020)

Posted on by withinandbeyond

Friday, 5th Week of Lent

Sa Unang Pagbasa si Jeremias ay inuusig at nais dakpin at ipahamak. Ito din ang kwento sa ating Ebanghelyo ngayon, ang Panginoong Hesus ay inuusig at ninanais ng dakpin. 

Sa parehong kwento makikita natin na ang aksiyon na ito ay sa pangunguna ng kanilang mga namumuno/lider (Pariseo at mga Eskriba). Sa panahong iyon, may pamumulitika na din. Inuusig nila ang mga nagpapahayag ng katotohanan at mga gumagawa ng mabuti sapagkat ito ay nakikita nilang banta ito sa kanila. Ito ay katulad na din ng nangyayari ngayon (kapag nagsalita ka ng katotohanan ikaw ay uusigin at babalikan at kapag may initiatives ka ipapatawag at iimbestigahan). Sa panahong iyon, iyon din ang ang dahilan ng kapahamakan ng mga sugo ng Diyos (propeta) maging ng Panginoong Jesus… Sila ay napahamak, sila ay inakusahan… Sila ay pinatay.

Malaki ang responsibilidad, malawak ang nasasakupan, madami ang isipin at may kapangyarihan ang ating mga pinuno o lider. Dahil dito MALAKI din ang TENTASYON sa kanila. Kaya nga mga kapatid, LAGI SANA NATIN IPAPANALANGIN ANG ATING MGA LIDER/NAMUMUNO sa PAMAHALAAN at SIMBAHAN. kailanganan din nila ng ating MGA (madaming-madami) PANALANGIN. 

Hilingin natin sa Panginoon na ipadala sa kanila ang Banal na Espiritu upang liwanagan ang kanilang isip at gabayan sila sa kanilang mga desisyon at aksyon. Hilingin din natin sa Panginoon na bigyan sila ng PUSONG tunay na nakatuon sa PAGLILINGKOD at PAGTULONG sa mga mamamayan na kanilang dapat paglingkuran lalo na ngayong may pinagdaraanan tayong krisis sa buong mundo.

Panginoon gabayan at tulungan Mo po kami lalo na ang mga namumuno sa amin.

Amen.

Reklamo (March 31, 2020)

Posted on by withinandbeyond

Tuesday, 5th Week of Lent
(Nm 21:4-9)

Ang mga Israelita ay nagreklamo kay Moises at sa Diyos ngunit sa kabila ng mga kabutihang naranasan nila kaya sa halip na pakinggan sila ay pinarusahan at maraming namatay.

Nang si Moises ay nanalangin alang-alang sa buong Israel siya ay pinakinggan at pinagpala sila.

Tayo ay dumaraan sa masasabi nating isa sa mga madilim na bahagi ng ating paglalakbay ngunit sa halip na MAGREKLAMO, sa halip na manisi mas mainam na MANALANGIN. Matuto tayo sa karanasan ng mga Israelita sa unang pagbasa. Nang dahil sa PANALANGIN SILA AY NALIGTAS SA KAPAHAMAKAN at pinagpala ng Diyos.

Remember the word ASAP.
A-lways S-ay A P-rayer
Paigtingin pa natin ang ating pakiusap at paghingi ng tulong sa DIYOS.

Panginoon, tulungan Mo po kami. Iadya Mo po kmi sa lahat ng panganib.

Amen.

Believe (March 29, 2020)

Posted on by withinandbeyond

5th Sunday of Lent

“Did I not tell you that if you believe
you will see the glory of God?”

Ito ang tanong ng Panginoon Hesus kay Maria at Marta dahil sa kanilang paniniwala binuhay ng Panginoon ang kanilang kapatid na si Lazaro. Nasaksihan nila ang dakilang kapangyarihan ng Panginoon.

Ito din ang tanong ng Panginoon sa atin? “Naniniwala ba tayo sa kanya?”

Sana katulad ni Maria at Marta ay maniwala tayo sa Panginoon at tiyak masasaksihan din natin ang kanyang kabutihan at kapangyarihan.

Panginoon, turuan mo at tulungan mo po akong matutong magtiwala sa iyo sa lahat ng panahon.

Amen.

Believe (March 23, 2020)

Posted on by withinandbeyond

Monday, 4th Week of Lent

Ang ama ng batang maysakit ay NANIWALA sa Panginoon at ang kanyang anak ay pinagaling. Siya at ang kanyang pamilya ay naging tagasunod ng niya.

Believe… 

Ito din ang panawagan sa atin ng Panginoon lalo na sa pinagdaraanan natin ngayon. 

Kung pagmamasdan natin maraming FAKE NEWS ang kumakalat lalo na sa internet. Gawa ito ng mga taong may masasamang loob. Hindi na nga nakatutulong sa ating kalagayan, nag-dadagdag alalahanin at pagkatakot pa sa ating kapwa. 
(Fake news katulad ng pananakot tungkol sa katapusan na ng Mundo. Fake news na kung anu-ano tungkol sa Corona Virus at marami pang iba.)

Mga kapatid, huwag tayong maniwala sa mga kasinungalingang ito. Ang dapat nating TANGGAPIN AT PANIWALAAN ay ang MABUTING BALITA ng PANGINOON. Maniwala tayo sa Biyaya ng Panginoon. Maniwala tayo na kung paano kinalinga ng Panginoon ang anak ng isang opisyal, tayo din ay Kanyang kakalingain. MAGDASAL, UMASA SA KANYA at MANIWALA SA KANYA.

Ipagdasal natin ang mga taong nagpapangalat ng mga fake news.
Ipagdasal din natin ang mga OPISYAL NG ATING PAMAHALAAN upang katulad ng opisyal sa ebanghelyo matutunan nilang buksan ang kanilang mga tainga, isip at puso sa Panginoon para sila ay MAGABAYAN at mapagpala din niya sa pagharap sa ating mga punagdaraanan.

Amen.

Gusto ng Diyos (March 21, 2020)

Posted on by withinandbeyond

Saturday, 3rd Week of Lent

What i want is LOVE not SACRIFICE.
Ito ang isa sa mga nais ipahayag sa atin ng Unang Pagbasa ayon kay Hosea.
Sa panahon ng Pandemic, ito din ang nais ng ating Panginoon ang panatilihin ang LOVE.

L-ift up to God our needs and intentions. Manalangin tayo upang tayo ay malayo sa kapahamakan at magkaroon na ng solusyon sa pandemic na ito.
O-bedience. Totoo mahirap ang maquarantine pero dapat tayong sumunod sa mga kinauikulan. Tandaan ang ang ipinatutupad nila ay para sa ating kabutihan
V-irtue of Charity. Sa patuloy na pagdarasal para sa mga Frontliners natin tulad ng mga doktor, nurses, pulis at iba pa. Naipakikita natin ang suporta at pagkalinga sa kanila. Tandaan na kailangan nila ng suporta natin lalo na ang dasal natin para sa kanila.
E-xtra careful sapagkat maari tayong mahawa at malagay sa kapahamakan. Doble ingat para di mapahamak.

Panginoon, iadya mo po kami sa lahat ng kapahamakan at masasama.

Amen.

Wala Ba? (March 20, 2020)

Posted on by withinandbeyond

Friday, 3rd Week of Lent

Community quarantine… kulong sa bahay… di magawa ang mga usual na ginagawa. Marami ang nababagot at marami ang nagrereklamo.
Marami ang WALANG MAGAWA? 

Well, kung di ka talaga kikilos, wala ka talaga magagawa at matatapos. Mgunit kung babangon ka at mag-iisip ng gagawin, marami kang magagawa sa bahay.

Sa araw na ito, magandang umupo ka at gawin mo ang araw na ito bilang araw ng PANANALANGIN. Sa pamamagitan nito maipapahayag mo ang ang pag-ibig mo sa Diyos sapagkat naglalaan ka ng oras para sa kanya at gayundin ang pag-ibig sa kapwa dahil naipagdarasal natin sila lalo na ang higit na nangangailan ng tulong at dasal. Malamang wala tayo materially para sa kanila pero ang pananalangin para sa kanila ay napakahalaga lalo na ang panalangin upang matapos ang Pandemic na ito.

Wala ba kamo magawa? Well, hindi naman sa walang magawa baka ayaw mo lang talaga kumilos. Gamitin ang oras at panahon sa maayos at mabuti upang maging kapaki-pakinabang. Wag lang puro TIKTOK, o kaya post ng kung anu-ano sa fb. Huwag din puro games at movies. Kunin ang ROSARYO at magdasal… pag nilayan ang buhay ng Panginoong Jesus. Kunin ang BIBLIYA, magbasa at magnilay. Ito ang kailangan natin ngayon.

Panginoon tulungan Mo po kami na umaasa sa Iyo.

Amen.

Mahinahon (March 19, 2020)

Posted on by withinandbeyond

Feast of St. Joseph, Husband of Mary

Mahinahong hinarap ni Jose ang kinasasadlakan niyang kalagayan (nabuntis si Maria na naipagkasundo na sa kanya at di siya ang ama). Pinagnilayan at pinag-isipan niya ang mabuting gawin kaya di niya ipinahamak si Maria.

Mahinahon din niyang hinarap ang tawag ng Diyos para sa isang misyon, ang maging ama ni Jesus at asawa ni Maria na kanyang ina. Pinagnilayan niyang mabuti at pinag-isipan kung ano mabuting tugon dito kaya tinanggap niya ang utos ng Diyos sa pamamagitan ng anghel.

Ito din sana ang matutunan natin, ang maging MAHINAHON sa lahat ng panahon lalo na sa MAHIHIRAP NA PAGKAKATAON katulad ng ating kinakaharap ngayon. Matutunan din sana nating magnilay at gayundin mag-isip ng tama at mabuting dapat tugon sa hinihingi ng pagkakataon. 

Katulad ni San Jose, huwag padalos-dalos ni padadala sa emosyon. Huwag basta maniniwala sa opinyon ng iba. Huwag din reklamo ng reklamo sapagkat nakadaragdag lang ito sa stress natin. Maging Mahinahon, mapagnilay at isipin ang tamang aksyon sa pagkakataon.

Panginoon, gabayan Mo po kami sa pagkakataong ito na kami ay nalilito at nahihirapan. San Jose, ipanalangin mo po kaming lagi at katulad mo matutunan naming maging mahinahon lagi.

Amen.

Panic (March 18, 2020)

Posted on by withinandbeyond

Wednesday, 3rd week of Lent

Dahil sa mga balita at sa mga ipinatutupad na lock down, quarantine, kasama na ang katotohanang wala pang Lunas ang virus na ito. Hindi maiwasan ang magpanic kaya nga marami ang mag-panic buying ng mga pagkain, medisina at marami pang iba. 

Ikaw, nag-paPANIC ka din ba. Di naman masama makaramdam noon. Di naman nangangahulugang wala na tayong pananampalataya. Sa ganitong kalagayan nga mas lalong lumalabas ang tunay na pananampalataya. Kaya sa ganitong pagkakataon dumulog tayo sa Diyos. 
Gamitin natin ang salitang PANIC sa bilang paalala sa atin. 

P-rayer. Ang pagdarasal sa Diyos ay pagpapahayag ng ating tiwala sa Kanya. Mataimtim tayong magdasal. Dumulog tayo sa Kanya na tayo ay Kanyang tulungan.
A-cknowledgment of our dependence in God. Magandang sa mahirap na sitwasyon ay matuto tayong magpakumbaba at umasa sa Diyos na alam nating di tayo pababayaan.
N-eglect not the reminders of the civil authority. Mahalagang alamin at unawain natin ang mga paalala sa atin ng otoridad. Sundin natin sila upang di tayo mapahamak o maging sanhi ng kapahamakan ng iba.
I-mprove or intensify our self care. Iwasan ang makihalobilo sa maraming tao, gumamit lagi ng disenfectant, uminom ng mga bitamina na makatutulong sa paglakas ng ating Immune system.
C-ourageous. Be courageous, maging matapang at puno lakas ng loob na harapin ang mga pagsubok na dumaraan sa buhay at huwag na huwag susuko ano man ang mangyari.

Walang maisasagot ang pagpa-PANIC sa sitwasyong ating kinalalagyan bagkos nakadaragdag lamang iyo ng bigat sa ating dibdib. Pakinggan natin ang Unang pagbasa na nag-aanyaya sa atin na Magdasal at magtiwala muli sa Diyos.

Amen.

Panginoon (March 17, 2020)

Posted on by withinandbeyond

Tuesday, 3rd Week of Lent

”Yamang ikaw ay maamo at mapagkalinga, kahabagan mo kami at saklolohan. Muli mong iparanas sa amin ang muli mong pagliligtas at sa gayo’y muling dakilain ang iyong pangalan.” 

Ito ang panalangin na mapupulot natin sa ating unang pagbasa at nawa ay dasalin din natin lalo na sa panahong ito na tayo ay humaharap sa isang na namang pagsubok. Kaya walang bibitaw, manatili tayong nakakapit sa ating Panginoon.

Ipanalangin din natin ang lahat ng mga HEALTH WORKERS sa buong mundo. Sila ang patuloy na nagsasakripisyo upang matuklasan ang lunas at gayundin ang mga humaharap sa mga biktima ng virus kaya nalalagay din sila sa panganib. Iadya nawa sila ng Panginoon sa kapahamakan.

Amen.

Lunas (March 16, 2020)

Posted on by withinandbeyond

Monday, 3rd Week of Lent

Sa Unang Pagbasa, napatunayan ni Naaman na ang Diyos ng Israel (ang DIYOS natin) ay ang tunay na Diyos sapagkat sa pamamagitan lamang ng Diyos siya ay gumaling. 

2019 CORONA VIRUS- mabilis na kumakalat, marami ang nagkakasakit at dumadami din ang namamatay. Maaring ang virus na ito ay wala pang Lunas ngunit kung katulad ni Naaman dumulog tayo sa Diyos at isanguni sa kanya ang ating kalagayan. Gayundin, katulad naman ni Eliseo maniwala at magtiwala tayo sa Diyos sapagkat di niya tayo pababayaan, tiyak tutulungan niya tayo. Lagi sana nating tandaan ang katotohanang “HIGIT ANG ATING DIYOS SA KUNG ANUMAN KAPANGYARIHAN O PROBLEMANG DUMARATING.”

Panginoon, iadya Mo po kami laban sa Corona Virus. Tulungan Mo po sana ang mga dalubhasa sa medisina na makahanap ng lunas sa virus na ito.

Amen.

Taimtim na Panalangin (March 15, 2020)

Posted on by withinandbeyond

3rd Sunday of Lent

Sa Unang Pagbasa ang nga Israelita ay may matinding pangangailangan. Iyon ay tubig na kanilang inumin at ng kanilang mga alagang hayop. Tandaan ayon sa pag-aaral, napakahalaga ng tubig. maari kang mabuhay ng walang pagkain sa loob ng tatlo hanggang apat na Linggo ngunit di ka makasusurvive ng walang tubig sa loob ng tatlo o apat na araw. Ano ang naging tugon ni Moises dito? Ang TAIMTIM NA PANALANGIN SA DIYOS upang matugunan ang kanilang pangangailangan. 

Sa panahon natin ngayon, may matindi din tayong pangangailangan. Iyan ay ang lunas para sa CORONA VIRUS na mabilis na kumakalat at dahan-dahang kumikitil ng buhay. Sa ganitong mga pagkakataon dapat nating tandaan ang ipinahahayag ng Ebanghelyo, “Ang Diyos ang TAGAPAGLIGTAS NG SANLIBUTAN.” At dahil dito marapat lamang na lumapit tayo sa kanya katulad ng ginawa ni Moises. Mataimtim na manalangin at siya ay tinugon. Tayo din ay MATAIMTIM NA MANALANGIN at dumulog sa Diyos na tulungan tayo sa problemang kinakaharap ng mundo.

Panginoon, pakinggan Mo po ang aming panalangin na tumigil na ang pagkalat ng sakit na ito, magkaroon na ng lunas at pagalingin ang lahat ng tinamaan nito.

Amen.

GOD REVERSES “EVIL” AND SO WE “LIVE” (March 14, 2020)

Posted on by withinandbeyond

by Fr. Philip Ibasco

Has anyone ever thought that there is a hidden message from God about the COVID-19 outbreak?

Reverse COVID-19…( 91 – DIVOC)

91 – Psalm 91
D – Destroy
I – Influenza
V – Virus
O – Outbreak
C – Completely

Recite Psalm 91 with all your might and spiritual strength

Psalm 91:1-4
1 He who dwells in the shelter of the Most High will rest in the shadow of the Almighty.
2 I will say of the LORD, “He is my refuge and my fortress, my God, in whom I trust.”
3 Surely, He will save you from the fowler’s snare and from the deadly pestilence.
4 He will cover you with His feathers, and under His wings, you will find refuge; His faithfulness will be your shield and rampart.

“LORD, You are our Refuge and Savior, HAVE MERCY on us and DELIVER US In You, we trust now and always. AMEN.”

Simbahan (March 14, 2020)

Posted on by withinandbeyond

Saturday, 2nd Week of Lent

May mga nagsasabi kung sino pa yung mga nasa simbahan sila pa yung masasama ang ugali. Sabi ko naman, iyan nga ang dahilan kung bakit may simbahan, para tawagin at pabalikin ang mga makasalanan at kasama tayo doon.

Sa ating Ebanghelyo, ipinakita ng ama ang pagmamahal sa kanyang anak na nagkamali at nagkasala sa kanya ng tangapin siyang muli at patawarin. Ito din sana ang makita natin sa ating simbahan. Ang simbahan na kumakalinga sa mga makakasalanang tulad natin. Ang simbahan na gumagabay. Ang simbahan na nagdadala ng pagpapatawad at pag-ibig ng Ama.

Panginoon, ako po ang Iyong anak na makasalanan. Patawarin Mo po sana ako at gabayan sa daan na kaligod-lugod sa Iyo. 

Amen.

Dare to Stand (March 13, 2020)

Posted on by withinandbeyond

Friday, 2nd Week of Lent

Pakikisama. Pakikibagay. Madalas ito ay na-iinvoke lalo na kapag may nagagawa o ginagawang mali. Kapag di ka nag-give in, kapag di ka nakisama at nakibagay ikaw pa ang masama.

Sa Unang Pagbasa makikita natin dito si Reuben. Bagama’t ang kanyang mga kapatid ay nagkasundo na patayin si Jose, tumayo siya at nagsalita upang ipakita ang kanyang pagtutol na patayin ng kanyang mga kapatid si Jose. He DARED TO DIS-AGREE with their plan. He STOOD UP to save Joseph’s life.

Tayo man ay nalalagay sa mga sitwasyong ganito na kailangan nating pumili ng sasang-ayunan. Makikisama ka na lang ba at makikibagay kahit alam mo na may maling nangyayari o tutulad ka kay Reuben na tatayo at maninindigan sa tama at mabuti.

Panginoon, bigyan Mo po kami ng lakas ng loob upang manindigan sa TAMA at MABUTI. Iligtas Mo po kami laban sa mga taong nagbabanta at nagnanais ng kapahamakan sa amin kapag di kami makibagay at makisama sa maling gawain nila.

Amen.

Gawa (March 12, 2020)

Posted on by withinandbeyond

Thursday, 2nd Week of Lent

Tuwing dumarating ang Kwaresma iniisip natin kung ano ang iiwasan natin bilang ating sakripisyo. Ang ilan di iinom ng alak, ang ilan di muna kakain ng kanin at marami pang iba.

Pero ito nga lang ba ang dapat o pwede nating gawin?

Mga kapatid, ang ating Ebanghelyo ay panawagan sa atin na gumawa tayo ng mabuti. Walang masama sa mga sakripisyo ngunit mas kalugod-lugod ang gumawa ng mabuti sapagkat ito ang kalooban Diyos. Ang mayamang lalaki sa Ebanghelyo ay di pinagpala kasi di siya nagmagandang loob kay Lazaro na nangangailangan.

Ngayong Kwaresma 2020, mas mainam siguro na tanungin natin ang ating sarili. Ano kayang mabuti ang pwede kong masimulang gawin at maipagpapatuloy kahit matapos na ang Kwaresma?

Panginoon, turuan mo po kaming maging bukas palad, turuan mo po kaming maglingkod sa Iyo sa pamamagitan ng mabubuting gawa para sa aming kapwa.

Amen.