Gospel

Galak (April 15, 2020)

Posted on by withinandbeyond

Wednesday within the Octave of Easter

Kailan ka huling nagpasalamat sa Diyos?Ngayong dumadaan tayo sa krisis dulot ng pandemic na ito, naaalala mo pa bang magpasalamat sa Diyos?

Sa totoo lang marami tayong dapat ipagpasalamat kahit na may pandemic.Marami tayong dapat ipagpasalamat dahil di nagpapabaya ang Diyos. Lagi nagin siyang kasama at kasurog. Lagi niya tayong pinagpapala sa iba’t-ibang pamamaraan.

Ito din ang panawagan ng Panginoong Jesus sa kwento sa Daan Patungo sa Emaus, ang ipadama, ipinaranas ipinaalam niya na siya ay buhay at nariyan para sa kanila at ito din ang panawagan sa atin kilalanin.

Magalak tayo sa katotohanang ito. Magpasalamat tayo sa kanya ang papurihan siya dahil sa kanyang kabutihan.

Amen.

Mary (April 14, 2020)

Posted on by withinandbeyond

Tuesday within the Octave of Easter

Mary is looking for Jesus and Jesus who is risen from the dead came to her.

Tularan natin si Maria Magdalena. Simula ng siya ay tulungan ng Panginoon hindi na siya lumayo sa kanya…Hinahanap-nanap na niya siya kaya sinundan niya siya habang siya ang nangangaral, habang buhat niya ang krus hanggang sa kalbaryo kung saan siya naipako at namatay… at sa ating Ebanghelyo hanggang sa libingan sinundan niya Siya at hinanap.

Tularan din sana natin si Maria Magdalena palaging hinahanap ang Panginoong Jesus.

Hanapin natin siya… tawagin natin siya lalo na sa panahon na tayo ay nahihirapan, nanghihina at gayundin kapag nalilito. Magpasalamat naman kung tayo ay nasa maayos na kalagayan.Sundan natin siya at huwag tayong magsasawang maghintay sa kanya sapagkat katulad ng karanasan ni Maria, siya rin ay darating upang pawiin ang mga nagpapahirap sa atin.

Panginoon narito po kami na nagtitiwala at naghihintay sa iyo.

Amen

Balita (April 13, 2020)

Posted on by withinandbeyond

Monday within the Octave of Easter

Akala mo totoo…
Pinangiti ka, pinasaya at pinaasa ka ngunit bigla mo na lang malalaman fake news pala.
O kaya naman tinakot ka na at pinakaba at lahat only to find out wala naman palang saysay ang balitang nasagap… nakadagdag stress lang ang naidulot sa iyo.

Sa Ebanghelyo makikita natin na ang mga Pariseo pa ang nagpapasimula ng fake news. Ang mga gwardiya naman kahit na saksi sila sa totoong nangyari ay sumunod at ang fake na balita ang kanilang ipinagkalat.

Mga kapatid, tayo ngayon ay exposed din sa ganitong sitwasyon lalo na dahil sa social media. Nakatatanggap tayo ng mapakaraming sitwasyon. Sana lang SURIIN nating mabuti ang mga impormasyon na ating natatanggap. Huwag tayo dapat basta na lamang maniniwala. Gayundin sa pagpapasa ng mga impormasyon dapat tayong maging responsable tayo at huwag basta magpapasa sapagkat sa halip na makatulong makadagdag ka pa ng takot at pagkabahala o kaya naman makapagbigay ka ng false hope sa iyong kapwa. Ang ipasa/ipahayag natin ay katotohanan na alam nating makatutulong sa ating kapwa.

Tularan nating ang mga disipulo at mga apostol ng Panginoon. Ang ipinahayag nila ay ang tinanggap nilang Mabuting Balita. Pinanindigan nila ito at ipinaglaban kahit na nga ang buhay ay naging kapalit. 

Ang Panginoon ay muling nabuhay aleluya aleluya. Ito ang isa sa mga PINAKAMAHALAGANG KATOTOHANAN ng ating pananampalataya. Ipahayag natin ito sa Salita lalo na sa ating GAWA. 

Amen.

Happy (April 12, 2020)

Posted on by withinandbeyond

EASTER SUNDAY

Happy nga ba ang EASTER kahit may COVID 19? 

H-OPE totoong may COVID 19 pero always remember na ang Easter ay dapat magbigay ng pag-asa sa atin. Sa Ngalan at pamamagitan ng Panginoong Jesus na nabuhay ang lahat ng iyan ay lilipas.

A-LLELUIA means Praise the Lord. Covid 19 should not affect our faith. Ang pagpapuri sana natin sa Lalo pang tumindi at ang pagtitiwala sa kanya ay lumalim pa lalo na at dumadaan tayo sa pagsubok.

P-EACE sa pagpapatupad ng Quarantine dulot Covid 19 halos wala o walang recorded na crime. Pwede pala lumipas ang araw na walang krimen. Gayundin dahil sa itinigil nito ang napabusy nating buhay, nagkapanahon tayo para makapagnilay at makapagdasal at panahon para maunawaan ang pananampalataya.

P-PARTNERSHIP ang pamahalaan at simbahan, kasama ang mga mamayan na handang magbigay ng sarili ay nagsasama-sama at nagtutulong-tulong. Di lamang yun pati ang iba’t-ibang relehiyon ay nagkaisa sa panalangin. We became partners in fighting Covid 19.

Y-ES TO THE LORD dahil sa Covid 19 tinuruan tayong tanggapin ang katotohanan na kailangan natin ang Diyos. Tinuruan tayong muling lumuhod at magdasal. 

Sa tanong na dapat tayo maging happy ngayong Easter? Ang sagot ay OO dahil sa wala man Covid 19 ay patuloy tayong pinagpapala at kahit may Covid 19 nariyan pa din ang pagpapala.

Salamat (April 9, 2020)

Posted on by withinandbeyond

Holy Thursday 

Dalawang mahahalagang Sakramento ang binibigyang pansin sa araw na ito, una ay ang pagtatalaga ng Sakramento ng Banal na Eukaristiya at Ikalawa ay ang Sakramento ng Banal na Orden. 

Salamat Panginoon sa Sakramento ng Banal na Orden dahil dito dumadaloy ang iyong mga biyaya sa amin. Ang pari ang nagsisilbing tagapagpahayag at tagapagturo ng mga katotohanang tungkol sa ating Panginoong Jesus. Sila din ang mga taong inasahan ng Panginoong upang ipagdiwang ang mga sakramentong nagbibigay ng biyaya sa ating lahat lalo na ang Sakramento ng Eukaristiya.

Salamat Panginoon dahil sa biyaya ng Banal na Eukaristiya. Sa pamamagitan nito nararamdaman namin ang iyong totoong presensiya, nararamdaman namin ang aming malalim na ugnayan sa Iyo at nararamdaman namin na hinding-hindi mo kami iiwan kailanman bagkos mananatiling nariyan para kami ay pagpalain.

Salamat Panginoon sa iyong kabutihan para sa amin. Salamat sa biyaya ng Banal na Orden at Eukaristiya na siyang patuloy nagpapaalala at nagpaparamdam sa amin ng iyong presensiya at biyaya.

Amen.

Pray (April 8, 2020)

Posted on by withinandbeyond

Holy Wednesday 

Sinusubok si Propeta Isaias sa Unang Pagbasa. Dumaan siya iba’t-ibang uri ng pang-aapi, pang-iinsulto at pananakit ngunit nanatili ang kanyang pananampalataya. Hindi siya natinag dahil sa kanyang malalim na ugnayan sa Diyos sa dulot ng pagdarasal.

Ito din ang dapat nating gawin, ang patuloy na pagdarasal. Ano man ang pagsubok na dumaan sa ating mga buha patuloy sana tayo na nagdarasal. Tandaan natin na ang pananalangin o pagdarasal ay malaking tulong sa atin.

P-repare us to stand and face the challenges in life. 
R-eceive Blessings (in prayer we entrust ourselves to God and thus He gives us the necessary blessings we need to overcome these challenges)
A-cknowledge/acclaim GOD (in prayer we recognize and praise God as us the God who loves us and is always in Control)
Y-earning to overcome the difficulties (God’s grace motivates us and gives us the will power)

Kaya magdasal tayo at huwag titigil. Sa pagdarasal hindi ang Diyos ang natutulungan o nakatatanggap ng benepisyo kundi tayo din na mga nagdarasal.

Amen.

Pagtaksil (April 7, 2020)

Posted on by withinandbeyond

Holy Tuesday

Sa ating Ebanghelyo, tampok ang gagawing pagtaksil ni Hudas at ang darating na pagtatwa ni Pedro sa Panginoong Hesus .

Maaring itanong natin? 
Si Judas Iscariote at Pedro nga lang ba ang nagtaksil at nagtatwa sa Panginoon?
Malinis ka ba?
Ni minsan ba di mo ginawa ang nagawa nila pagtaksil at pagtatwa sa Panginoon?

Ngayong mga Mahal na Araw, magandang pagnilayan natin at tingnan ang mga pagkakataong naging taksil tayo at itinatwa ang Panginoon. Magandang maunawaan natin na sa bawat paggawa natin ng kasalanan, nagtataksil tayo at ititnatatwa natin siya. Mga kaptid, magandang makita natin at mapangalanan natin ito at makita ano ang ugat kung bakit tayo nagtataksil sa Panginoon.

Sa pagkakataong ito na hindi available ang indibidwal na Kumpisal dahil sa pandemic na ating nararanasan, magandang gawin natin sa ating mga tahanan ang pagsiyasat ng ating mga budhi upang makita natin ang ating mga pagkakamali, pagkukilang at maaring pagmamalabis laban sa Diyos. Gayundin, sa pagninilay natin magandang manalangin tayo hingin awa at pagpapatawad ng Diyos.
Kapag natapos na ang Pandemic na ito saka tayo lumapit sa Kumpisalan para tanggapin ang pagpapatawad at pagbabasbas.

Panginoon patawarin mo po kmi sa aming pagkakasala, sa mga pagkakataong itinatwa ka namin at ponagtaksilan sa ngalan ng pera, ng iba pang materyal na bagay… sa pamamagitan ng aming pagpili sa masama at iba pa.

Amen.

Pagpahayag ng Pananampalataya sa Tahanan (April 6, 2020)

Posted on by withinandbeyond

Holy Monday 

Sa ating Ebanghelyo, isinakripisyo at ibinahagi ni Maria (kapatid ni Lazaro) ang kanyang mamahaling pabango. Isang libra ng dalisay na nardo na ayon kay Judas Iscariote ay nagkakahalaga ng tatlong daang denaryo. Ngunit balewala sa kanya ang halaga niyon maipahayag lamang niya ang kanyang pagmamahal sa Panginoong Hesus. 

Mga kapatid, Lunes Santo na at pumasok na tayo sa mga Mahal na Araw. Isa sa mga paanyaya sa atin ng ating Ebanghelyo ay ang tularan si Maria, ang MAGSAKRIPISYO. Magtatanong tayo, hindi pa ba sapat na hindi ang sakripisyo na tayo ay naka-ECQ at hindi normal ang daloy ng ating pamumuhay? Maaari ngunit maaari pa din nating mas PABANALIN pa ang sakripisyong ito. Ito ay sa pamamagitan ng dagdag na TAIMTIM NA PANALANGIN at PAGNINILAY sa MISTERYO PAGPAPAKASAKIT NG ATING PANGINOONG HESUS.

Bawasan natin ang oras sa paglilibang tulad ng panunuod ng TV, pagtutok sa gadgets at internet. Bawasan din natin ang games at iba pang pwede nating isakripisyo sa halip gamitin ang oras sa pag darasal at pagninilay lalo na at hindi tayo makapunta sa mga simbahan. Magdasal ng Rosario dahil itonay paninilay sa buhay ng Panginoon. Magbasa ng bibliya lalo na ang mga pang-araw-araw na mga pagbasa. Alamin din natin ang mga Online Streaming ng mga pagdiriwang ng liturhiya sapagkat ito ang magiging katugunan sa ating pakikiisa sa pagdiriwang natin ng mga Mahal na Araw. 

Katulad ni Maria maipapahayag din natin ang ating PAG-IBIG at pananampalataya sa ating Panginoong Jesus bagamat nasa mga tahanan lamang tayo.

Mahal mo ba ang ating Panginoon? Sumasampalataya ka ba sa Kanya? 
Tularan natin si Maria.

Amen.

Palaspas (April 5, 2020)

Posted on by withinandbeyond

Palm Sunday of the Passion of the Lord

Sa panahon ng Panginoong Hesus at sa pagpasok niya sa Herusalem, ang mga PALASPAS ay ginamit upang dumulog sa Kanya, kilalanin Siya at papurihan. 

Kakaiba ang ating Linggo ng Palaspas. Marami sa atin ay nasa bahay lamang dahil sa paalala sa atin ng ating pamahalaan. Iilan lamang ang may access sa simbahan. 

Yung dati nating ginagawa na pagtungo sa simbahan, pagwagayway ng palaspas habang ito ay binabasbasan ay di natin nagawa ngayon. Ngunit bagamat wala tayong palaspas di naman nangangahulugan na di tayo nagdiwang at di nangangahulugang di natin kinikilala ang Panginoong Hesus.

Marami tayong pwedeng gawin. Ang panonood sa live streaming ng mga pagdiriwang ng may focus, ang pagluhod natin araw-araw para magdasal ng Sto. Rosario at iba pang mga panalangin ay paraan ng ating pagkilala sa Kanya at pagtanggap sa Kanya.

Tandaan, ang mga Palaspas ay SIMBOLO LAMANG. Higit na mahalaga ang ating puso na tunay at totoong lumalapit sa kanya para papurihan at upang matanggap siya.

Panginoon aming itinataas, hindi na ang mga palaspas kundi ang PUSO naming handa na tanggapin Ka araw-araw.

Amen.

Isa (April 4, 2020)

Posted on by withinandbeyond

Saturday, 5th Week of Lent

Ang dalawang pagbasa ngayon ay parehong tungkol sa pagnanais ng Diyos na tipunin ang mga nagkawatak-watak upang ang lahat ay maging isang bayan/bansa/pamilya ng Diyos.

Sa panahon ng Pandemic, Ito din ang kailangan mangyari atin at dapat nating pagsumikapan. Ang tumugon sa nais ng Diyos na magkatipon-tipon at maging isa sa PANALANGIN AT PAGDULOG SA DIYOS. Sana lahat tayo manalangin. Sana lahat tayo ay maging masunurin sa hinihingi sa atin para tayo ay mapabuti.

Panginoon, tulungan Mo po kaming magkaisang lagi sa pamamagitan ng iyong biyaya.

Amen.

Namumuno/Lider (April 3, 2020)

Posted on by withinandbeyond

Friday, 5th Week of Lent

Sa Unang Pagbasa si Jeremias ay inuusig at nais dakpin at ipahamak. Ito din ang kwento sa ating Ebanghelyo ngayon, ang Panginoong Hesus ay inuusig at ninanais ng dakpin. 

Sa parehong kwento makikita natin na ang aksiyon na ito ay sa pangunguna ng kanilang mga namumuno/lider (Pariseo at mga Eskriba). Sa panahong iyon, may pamumulitika na din. Inuusig nila ang mga nagpapahayag ng katotohanan at mga gumagawa ng mabuti sapagkat ito ay nakikita nilang banta ito sa kanila. Ito ay katulad na din ng nangyayari ngayon (kapag nagsalita ka ng katotohanan ikaw ay uusigin at babalikan at kapag may initiatives ka ipapatawag at iimbestigahan). Sa panahong iyon, iyon din ang ang dahilan ng kapahamakan ng mga sugo ng Diyos (propeta) maging ng Panginoong Jesus… Sila ay napahamak, sila ay inakusahan… Sila ay pinatay.

Malaki ang responsibilidad, malawak ang nasasakupan, madami ang isipin at may kapangyarihan ang ating mga pinuno o lider. Dahil dito MALAKI din ang TENTASYON sa kanila. Kaya nga mga kapatid, LAGI SANA NATIN IPAPANALANGIN ANG ATING MGA LIDER/NAMUMUNO sa PAMAHALAAN at SIMBAHAN. kailanganan din nila ng ating MGA (madaming-madami) PANALANGIN. 

Hilingin natin sa Panginoon na ipadala sa kanila ang Banal na Espiritu upang liwanagan ang kanilang isip at gabayan sila sa kanilang mga desisyon at aksyon. Hilingin din natin sa Panginoon na bigyan sila ng PUSONG tunay na nakatuon sa PAGLILINGKOD at PAGTULONG sa mga mamamayan na kanilang dapat paglingkuran lalo na ngayong may pinagdaraanan tayong krisis sa buong mundo.

Panginoon gabayan at tulungan Mo po kami lalo na ang mga namumuno sa amin.

Amen.

Si Abram (April 2, 2020)

Posted on by withinandbeyond

Thursday, 5th Week of Lent

Nagpapatirapa si Abram sa Diyos kapag siya ay nagdarasal/nakikipag-usap sa Diyos. Ito din ang dapat nating gawin manikluhod/magpatirapa/magpakumbaba sa harap ng Diyos.

Sana ma-activate muli ang mga TAHANAN at maging mga munting simbahan (domus ecclesiae) lalo na ngayong hindi tayo makapagdiwang sa mga simbahan. Sana ang bawat pamilya ay sama-samang nagdarasal araw-araw. Sana ang bawat pamilya ay tumulad kay Abram na sa harap ng Diyos ay naninikluhod/nagpapakbaba/nagpapatirapa sa pagdarasal.

Panginoon, pagpalain mo po kaming lagi.

Amen.

(April 1, 2020)

Posted on by withinandbeyond

Wednesday of the 5th Week of Lent
Daniel 3:14-20, 91-92, 95
Daniel 3:52, 53, 54, 55, 56
John 8:31-42

Fr. Donwen Villa
Formator
Holy Trinity College Seminary
Bautista, Labo, Camarines Norte

Ang pagninilay natin ngayon ay galing sa unang pagbasa sa aklat ni Daniel na kung saan pinagbantaan ni haring nabucodnosor ang tatlong binata na sina Sadrac, Mesac at Abednego na may mangyayaring masama kapag hindi sila sumamba si ginawa nilang diyos diyosan. Natuloy nga ang banta sapagkat nangako sila na iisa lang ang Diyos na kanilang sasambahin at walang iba kaya itinapon sila na nakagapos sa pugon na makapitong ulit na pinainit. Walang nangyaring masama sa kanila at ang lahat ay namangha sapagkat nakita nila na tila may kasama sila sa loob ng pugon na nagligtas sa kanila sa panganib at ang lahat ay nagpuri sa totoong Diyos pagkatapos.

Ang pananalig sa Diyos ay napakalaking bagay ilang beses na nating narinig sa banal na kasulatan na sinabing ang nagtitiwala sa totoong Diyos ay hindi nasisiphayo at hinding hindi mabibigo kailanman. Ang pananalig sa Diyos ang siyang pinagmumulan ng buhay at ito ang nagbibigay ng pag asa sa isang taong nagtitiwala sa Kanya.

Ngayong panahon ng kwaresma nagkataon din na panahon ng pagsubok sa lahat ng tao andyan ang takot at pangamba, ang kawalan ng pag asa at maaaring kawalan din ng pananalig sa Diyos. Napapanahon ang unang pagbasa para magnilay tayo sa gitna ng krisis na ito na maging katulad ng tatlong binata na hindi nawalan ng pananalig at tiwala sa Diyos sa gitna ng pagsubok at kahit pa sa banta ng kamatayan.

Reklamo (March 31, 2020)

Posted on by withinandbeyond

Tuesday, 5th Week of Lent
(Nm 21:4-9)

Ang mga Israelita ay nagreklamo kay Moises at sa Diyos ngunit sa kabila ng mga kabutihang naranasan nila kaya sa halip na pakinggan sila ay pinarusahan at maraming namatay.

Nang si Moises ay nanalangin alang-alang sa buong Israel siya ay pinakinggan at pinagpala sila.

Tayo ay dumaraan sa masasabi nating isa sa mga madilim na bahagi ng ating paglalakbay ngunit sa halip na MAGREKLAMO, sa halip na manisi mas mainam na MANALANGIN. Matuto tayo sa karanasan ng mga Israelita sa unang pagbasa. Nang dahil sa PANALANGIN SILA AY NALIGTAS SA KAPAHAMAKAN at pinagpala ng Diyos.

Remember the word ASAP.
A-lways S-ay A P-rayer
Paigtingin pa natin ang ating pakiusap at paghingi ng tulong sa DIYOS.

Panginoon, tulungan Mo po kami. Iadya Mo po kmi sa lahat ng panganib.

Amen.

Liwanag (March 30, 2020)

Posted on by withinandbeyond

Monday, 5th Week of Lent

“I am the light of the world.
Whoever follows me will not walk in darkness,
but will have the light of life.”

Panginoon, tanglawan mo po ng iyong LIWANAG ang mga dalubhasa sa medisina at mga nag-aaral ng pinagmulan at uri ng salot na corona virus ng sa gayon maunawaan ito at matuklasan nila kung paano susupilin ito.

KAILANGAN PO NAMIN ANG TULONG MO AT GABAY lalo na sa dumadami ng kaso ng pagkakasakit at pagkamatay dulot ng virus na ito.

Panginoon, maging liwanag ka din po sana naming mga ordinaryong mananampalataya upang hindi kami mawalan ng pag-asa bagkos patuloy kaming maniwala at magtiwala sa iyong kabutihan.

Amen.