Friday, 2nd Week of Advent

Di nakita at nakilala nga mga Hudyo ang pagdating ng Panginoon dahil sa di naman nila si tumigil upang magnilay, nagmasid at nakinig sa mensahe ng Panginoon.

Mga kapatid, malapit na ang Pasko. Marahil lahat tayo ay magiging abala sa paghahanda at pag-asikaso ng maraming bagay. Ito rin ang danger kapag masyado tayong maging busy… di natin maapreciate ang pagdiwang bagkos makikita natin ang ating sarili na pagod at naubisan ng budget.

Mga kapatid, “STOP” huminto tayo sa kabila ng kaabalahan… magnilay at magdasal. “LOOK” pagmasdan natin ang kaligayahang dulot ng Pasko at makita natin upang makita natin na ito ay dulot ng presensiya at pag-ibig ng Diyos sa atin. “LISTEN” makinig tayo sa mga salita ng Diyos na ipinahahayag sapagkat ito ang magiging gabay natin sa aying pagdarasal at pagninilay at tutulong sa atin upang makita ang tunay na kahalagahan ng Pasko.

Sana ay maging makahulugan ang ating Pasko sa pamamagitan ng pagbubukas mga tainga at mata gayundin sa pamamagitan ng paglalaan ng panahon para sa pagdarasal at pagninilay.

Amen.

Wednesday, 2nd Week of Advent

Ang ating Ebanghelyo ngayon ay paanyaya na lumapit/dumulog /ibigin siya. Bakit siya nag-aanyaya? Sapagkat ginawa na niya ang kanyang bahagi at ang ating Ebanghelyo ay paalala na sana gawin din natin ang ating bahagi.

Tandaan, ang Pasko ay tungkol sa pagdating, paglapit at pakikipamuhay ng Diyos sa atin… ito yung bahagi niya… ang maabot tayo pero ang tanong inaabot din ba natin siya? Kailangan din natin ang pakikisa… we have to really KNOW and DO our Part. Kailangan din nating mamuhay ng maayos at matuwid bagaman mahirap.

Panginoon, tulungan mo po akong laging kumilos upang gawin ang dapat at mabuti bilang pagtugon sa iyo. 

Amen.

Tuesday, 2nd Week of Advent

“SANA ALL,” madalas ko itong marinig sa mga kabataan. Ito ay nangangahulugang, sana lahat, sana kasama din kami, sana walang maiwan. 

Mga kapatid kung pag ninilayan natin ang Ebanghelyo natin ngayon, makikita nating ito rin sa isininasalaysay ng Panginoon. SANA ALL kase ALL/LAHAT ay nais ng AMA na makasama. Ayaw niya ni isa ang mapawalay o mapahamak. Ito ang dahilan ng Pasko o ng pagdating ng Panginoon. Ang LAHAT AY MAPAGPALA, MAPABUTI at MAKASAMA Niya.

Nais ng Diyos kasama tayong lahat, sana nais din nating Siyang makasama at makapiling. Piliin natin Siya at ipakita natin sa kanya ang ating pagpili sa pamamagitan ng ating pang-araw araw na pagkilos

Amen.

2nd Sunday of Advent

Pagpasok pa lamang ng September, kapansin-pansin na simula na din ito ng paghahanda para sa pagdiriwang ng PASKO. May awiting pampasko na, sa mga tindahan ay simula ng pagbebenta ng mga palamuting pampasko at simula na din ng pagkabit nito.
Ngayong 17 araw na lang bago magpasko tiyak ako na abala na ang lahat para sa regalo, pagkain at marami pang iba. Abala na ang marami para maipagdiwang ang Pasko.

Ngayong ikalawang Linggo ng Adbiyento, pinaalalahanan tayo ng isa pang mahalagang dapat nating ihanda… yun ay ang ating SARILI. Sabi Juan Bautista sa Ebanghelyo… “pagsisihan ninyo ang inyong mga kasalanan.” Sabi sa pambungad na panalangin… huwag nawang makasagabal ang ating pinagkakaabalahan sa paghahanda natin para sa makubuluhang pagdiriwang.

Panginoon, turuan mo po akong MAGPAKUMBABA upang makita at maamin ko ang aking mga kasalanan at bigyan mo po sana ako ng LAKAS NG LOOB upang maakadulog ako sa Sakramento ng Pagbabalikloob bilang aking paghahanda sa pagdiriwang ng iyong kaarawan.

Amen.

Thursday, 1st Week of Advent

Ang tatag ng isang gusali ay nakadepende sa kung anong klaseng pundasyon inihanda at meron ito. Gayundin ang tatag ng isang tao… nakadepende ito sa pundasyon meron siya. 

Sa ating Ebanghelyo, ipinapahayag sa atin na ang pananampalataya sa Diyos ay marapat at maaasahang pundasyon sa ating buhay. Kaya nga, kailangang matuto sana tayong dumulog sa Diyos sapagkat ang mga taong dumudulog sa kanya ay tiyak na pinagpapala at hindi niya pinababayaan. Siya kasi ang nagbibigay lakas at pag-asa… siya kase ang tumutulong… siya kase kasa-kasama.

Sabi sa kanta… “si Kristo ang sandigan dinvmagigiba… kasing tatag ng kabundukan, di magigiba.”

Panginoon, huwag mo po kaming pababayaan bagkus lagi mo po kaming tulungan.

Amen.

Wednesday, 1st Week of Advent 

Tatlong araw niyang kasama ang mga tao sa paanan ng bundok. Nagtuturo siya sa kanila at nagpapagaling ng mga dinadala sa kanyang may sakit. TATLONG ARAW iyon… hindi ba siya napapagod?

Tayong mga tao kapag may gusto tayo at masaya tayo di ba hindi tayo nagsasawa gawin iyon? Gayundin ang Panginoon… gusto niya at masaya siya sa pagtupad at paggawa ng kalooban ng Diyos kaya mapagod man siya, walang problema, masaya niya itong gagawin at uulit-ulitin.

Sana gayundin tayo… ginagawa ang kalooban ng Diyos. Totoo nakakapagod pero sana gusto natin ito at masaya nating ginagawa ito upang di tayo magsawa at di tayo tumigil.

Panginoon, turuan mo po kaming naisin at maging masayang sundin ang kalooban mo.

Amen.

by: Rev. Fr. Phillip Ibasco
1st Sunday of Advent

“Maging HANDA kayong lagi” ( Mt 24:44). Ang babalang ito ay nasasapanahon hindi lamang dahil parating ang isang malakas na bagyo kundi dahil nasa Unang Linggo ng Adbiyento na tayo ng isang bagong liturgical year. Paanyaya ito na paghandaan natin ang pagdating ni Hesus, hindi lamang ang paggunita natin sa una Niyang pagdating nang Siya ay isinilang noong Unang Pasko, kundi ang Kanyang maluwalhating pagbabalik sa wakas ng panahon. 

Paano tayo maghahanda? Ang pangalan ng matinding paramdam ng kalikasan – TISOY – ay may makahulugang paalaala:

T = Tanggapin ang Salita ng Diyos nang may pananampalataya. Si Hesus ay ang Salita na Diyos na nagkatawang-tao (Jn 1:1,14) upang ipagkaloob sa atin ang tunay na masaganang buhay (Jn 10:10b). Nais Niyang pakinggan natin Siya araw-araw sa taimtim na pagbabasa at mapanalanging pagninilay sa Salita ng Diyos, ang Bibliya.

I = Itigil at iwasan ang bisyo at adiksiyon sa mga masama at nakasisirang gawain (Galatia 5:19-21).

S = Sakramento ng pakikipagkasundo at Eukaristiya ay tanggapin nang malimit at marapat upang manatili tayo sa piling ng Panginoon (Jn 15:4a).

O = Orasyon at pananalangin ay laging gawin (1 Tesalonika 5:17). 

Y = Yakapin at gawin ang kalooban ng Diyos nang agaran, masaya at tapat sa matuwid at mapagmahal na pamumuhay (Roma 12:1-2). 

Ipanalangin natin sa Panginoon na huwag lubhang makapinsala ang bagyong si Tisoy. Hingin din natin na sa pamamagitan ng T.I.S.O.Y. ay maging laging handa tayo sa muling pagdating ni Hesus at ligtas sa kasalanan at kaparusahan.