Tuesday, 8th Week in Ordinary Time

Peter began to say to Jesus,
“We have given up everything and followed you.”

Katulad na katulad tayo ni San Pedro sa maraming pagkakataon. Kapag nagpakabuti tayo at kapag naglingkod tayo sa Diyos ay madalas naghihitay tayo ng kapalit.

Ang iba naman ay nakikipagdeal kay Lord sa kanilang panalangin at sasabihin: “LORD I-BLESS MO NAMAN PO AKO NITO AT PROMISE MAGBABAGO NA PO AKO.”

Mga kapatid, tandaan po natin ito na bago pa man lamang tayo magpakabuti at maglingkod ay pinagpala na tayo ni Lord at atin namang na-eenjoy ang kanyang mga pagpapala. Sa simula’t simula pa ay patuloy na ang pagdaloy ng pagpapala ng Diyos sa atin. Tayo lang ang nagbubulag-bulagan sa katotohanang ito. Kaya nga dapat nating ma-realize na ang pagpapakabuti at paglilingkod natin ay maging expression ng pagpapasalamat natin sa Kanya at pagmamahal at hindi upang gamitin para makipag-deal sa Kanya para sa biyayang hihingiin .

Mahal tayo ng Diyos at hindi Niya tayo pababayaan. Matuto sana tayong magpasalamat sa Kanya.

Amen.

Ngayong araw na ito ano ang gagawin mo na magpapahayag ng iyong pasasalamat sa Panginoon?

Monday, 8th Week in Ordinary Time

“Teacher, all of these I have observed from my youth.” Jesus, looking at him, loved him and said to him, “You are lacking in one thing. Go, sell what you have, and give to the poor.”

Ang kalooban ng ating Panginoon hango sa Ebanghelyo ay HUWAG LANG UMIWAS GUMAWA NG MASAMA bagkus GUMAWA DIN TAYO NG MABUTI. Ito ang hamon ng Panginoon sa mayamang lalaki at iyon din ang kanyang paanyaya sa atin.

Sa araw na ito? Ano ang kabutihang pwede mong gawin para kay Lord? 

Amen.

8th Sunday in Ordinary Time

“Why do you notice the splinter in your brother’s eye but do not perceive the wooden beam in your own?”

Dahil gustong magkapera, nagnanakaw, nandaraya, nanloloko at ang iba naman ay nagpapagamit sa mga may pera.

Sa mga taong ito, ang PERA ang nagsisilbing harang sa kanilang mga mata upang mamuhay ng mabuti at matuwid. Ikaw? Ano naman kaya ang mga HUMAHARANG sa iyong mga mata upang makita ang ang tama at pumipigil sa iyo para gawin ang mga ito?

Hindi tayo perpekto; nagkakamali tayo at ang pagkakamali ay tanda ng mga tahilan/wooden beam na humaharang upang makita ang tama at mabuti. Iyan kase ang humahadlang para maging mabuti at nag-uudyok sa tao upang kumilos ng mali.

Alamin natin ang mga harang na humahadlang sa atin. Pera ba ito? Tao ba ito? Iba pang material na bagay ba ito? 

Magandang malaman natin ito at magandang idulog natin ito sa Panginoon upang matulungan nating matanggal ito at makapagsimulang muli.

Amen.

Friday, 7th Week in Ordinary Time

Ang unang pagbasa ay tungkol sa kaibigan. Ipinakita dito kung sino ang mabuti at masasamang kaibigan. Ikaw? Sino sa mga ito ang pipiliin mo? Yung mabuti o yung masama? Naniniwala ako na ang gugustuhin ninuman ay ang mabuting kaibigan.

Mga kapatid, siguro sa pakakataong ito ay magandang tanungin naman natin ang ating sarili. AKO, MABUTING KAIBIGAN KAYA AKO SA KANILA? Sana piliin nating maging mabuti sa ating mga kaibigan. Maging biyaya sana tayo sa kanila sapagkat sila ay isa rin na kayamanan. 

Tularan natin ang halimbawa ng Panginoong Hesus sa kanyang pakikipagkaibigan sa atin. Inialay niya ang lahat para sa atin, pati na ang Kaniyang buhay.

Amen.

Thursday, 7th Week in Ordinary Time

“Whoever causes one of these little ones who believe in me to sin, it would be better for him if a great millstone were put around his neck and he were thrown into the sea.”

“Be a good example.” Ito ang isa sa mga paalala ng Panginoon sa pamamagitan ng ating Ebanghelyo ngayon.

Kung titingnan natin ang ating mga buhay., masasabi ba nating nadadala natin sa mabuti ang ating mga kapwa?

Mga kapatid, ayusin sana natin ang ating mga pagkilos. Maging mabuting halimbawa sana tayo sa ibang tao. Huwag na huwag sana tayong maging BAD INFLUENCE sa ating mga kapwa sapagkat hindi lamang natin ipinahahamak ang ating kapwa kundi pati na rin ang ating mga sarili.

Hilingin natin sa Panginoon na sana’y patuloy Niya tayong gabayan at tulungang maging gabay ng ating mga kapwa

Amen.

Wednesday, 7th Week in Ordinary Time

“Teacher, we saw someone driving out demons in your name.”

Sa Ebanghelyo, makikita nating bukod sa mga alagad na kasa-kasama ng Panginoon, may ilang mga nag-magandang loob o nag-initiate upang gumawa ng mabuti sa Kaniyang ngalan.

Ito ang kailangan natin ngayon; mga mananampalatayang may malasakit at may initiative upang maipangalat ang kabutihan at pag-ibig ng Diyos. Kulang kasi ang mga pari pati na ang mga madre at mga laykong nasa mga ministeryo ng simbahan dahil sa dami ng mananampalataya. 

Ikaw, ano ang ginagawa mo? May mga initiative ka bang ginagawa upang makatulong ka sa pagpapahayag ng Mabuting Balita?

Sana isa ka din sa mga mananampalatayang nag-iinitiate upang makatulong.

Amen.

“Commit your life to the Lord, and he will help you.”

Maraming pagsubok ang dumarating sa buhay natin. Walang nakakaligtas dito kahit nga ang mga matapat na lingkod ng Diyos ay dumaan sa pagsubok. Kung kaya’t ang paalala sa unang pagbasa ay ihanda ang sarili sa mga pagsubok kung maglilingkod sa Diyos. Ihanda ang sarili sa mga pagsubok.

Sa Ebanghelyo naman ay narinig natin ang kapahayagan ng Panginoon na Siya rin ay dadaan sa pagsubok; maging Siya na Panginoon ay hindi rin ligtas.

Mga kapatid, sa oras ng pagsubok ay lagi nating dapat tandaan ay ang Salmo Responsorio. Mag- commit tayo sa Diyos, ipagkatiwala natin ang ating mga sarili sa Kaniya at tiyak na tayo ay hindi pababayaan at Kaniyang tutulungan.

Panginoon, tulungan at gabayan mo po kami upang malampasan namin ang mga pagsubok na dumaraan sa aming buhay.

Amen.

7th Sunday in Ordinary Time

Mahirap magpatawad lalo na kung tayo ay nasaktan ngunit hindi naman imposible ang magpatawad. Kailangan lang bukas ang ating mga isip at controlled ang ating emosyon. Paano nga ba magpatawad?

May apat na bagay tayong dapat tandaan at dapat isaalang-alang:

Una, walang taong perpekto. Ikaw mismo ay nagkakamali at nagkakasala. Ikaw mismo ay nakagagawa ng mali. Katulad mo din ang taong nagkasala sa iyo; hindi perpekto.

Ikalawa, may mga taong nagawan mo ng mali, maliit man o malaki ito ngunit ika’y pinatawad. Makita mo sana na marapat lamang na ikaw din ay dapat magpatawad. Tandaan po natin, “Pinananatiling sariwa ng mga taong di nagpapatawad at nag-iisip ng pag-ganti/revenge ang sakit at sugat na dulot nga pagkakamali.”

Ikatlo, ang Diyos ay nagpapatawad sa sakramento ng kumpisal o pagbabalik-loob. Anuman ang pagkakamali natin, tayo ay lumapit sa Diyos at tayo ay Kaniyang patatawarin dahil sa Kaniyang pagmamahal sa atin.

Ikaapat, dapat nating isaalang-alang na ang utos tungkol sa pagpapatawad ay ANG PANGINOONG HESUS. Ito ay nakasulat pa sa BIBLIYA. Ang di pagsunod dito ay tahasang paglabag sa KanIyang kalooban. 

Ano ba ang mas mahalaga sa iyo? Ang utos ni Lord o ang pride mo? Sana maipakita mo ang pagmamahal mo kay Lord sa pamamagitan ng pagpapatawad mo sa mga taong nagkasala sa iyo.

May mga kagalit ka ba? May mga tao ka pa bang di napapatawad? Sa misang ito idulog mo sa Panginoon na bigyan ka ng pusong nagpapatawad, at gayundin bawasan ang katigasan ng iyong ulo.

Amen.

Saturday, 6th Week in Ordinary Time

“This is my beloved Son. Listen to him.”

Bakit kapag music, kaya mong makinig maghapon?

Bakit kapag kasama mo ang tropa mo, kaya mong makinig at makipagkwentuhan hanggang madaling araw?

Bakit kapag tsismis, excited kang makinig at andun ang buong atensiyon mo?

Pero bakit kapag ang SALITA NG DIYOS na, ikaw ay naiinip, napipilitan lamang o di kaya’y naboboring at hindi ka mapakali sa iyong kinatatayuan. Kung minsan naman isinisisi pa sa Pari kesyo boring daw ang homiliya at marami pang dahilan.

Mga kapatid, mahalaga ba sa iyo ang Diyos? Bakit tila mas mahalaga pa ang ibang bagay o tao kesa sa kanya? Bakit mas binibigyang pansin mo ang ibang bagay kaysa sa Kaniya at ang Kaniyang salita.

Sa Ebanghelyo natin ngayon, hinihingi ng Ama na kilalanin natin ang Panginoon at pakinggan Siya. Pahahalagahan mo ba ang paanyayang ito ng Diyos? SANA NAMAN AY SUNDIN NATIN SIYA.

Amen.

Today we celebrate the Feast of the Chair of St. Peter. What does this feast signifies?

The Chair of St. Peter is the sign of the power of teaching and ruling over the Lord’s flock to keep them united in faith and charity. This power is exercised by the apostle Peter and his successors as the VICAR OF CHRIST, the Head of the Church and Chief Shepherd of His flock.

REFLECTION: 
Let us use the word chair for our reflection especially in connection with the practice of the authority given by Christ.

C – hrist does not want to leave us alone by ourselves thats why he sent his apostles led by Peter and his successors to guide us and to lead us.

H – eir of God He wanted us to be that’s why he left us the Church under Peter’s leadership to continue what Jesus began and fulfill what he commanded… to baptize us in the Name of the Father and the Son and the Holy Spirit.

A – ccepting HIM in our lives is God’s will. Through the Church, with the church and in the Church can we know God and be close to Him especially through the celebration and reception of the Sacraments, through prayers and service.

I – nvitation of God to us is to recognize Him as our one true God and loving His as our Loving Father. This is what the church is teaching us and this is where the church is leading us.

R – esponse from us is what he ‘s waiting from us. Let us allow the church to guide us in responding to God. 

May this feast reminds us of the power and authority given to Peter and his successors to unite us with God and with one another.

Amen.

Thursday, 6th Week in Ordinary Time

“Kayo naman-ano ang sabi ninyo? Sino ako?”

Sino ba si Hesus para sa iyo? Huwag lamang sana tayong umasa sa mga itinuturo at ipinapahayag sa atin.

Tandaan, HINDI SAPAT na i-memorize natin ang katesismo. Hindi rin sapat na nag-aral tayo ng Teolohiya. Ang kailangan upang magkaroon tayo ng malalim na pagkakilala sa ating Diyos ay ang mga sumusunod:

Una ay PAG-AARAL. Sa pamamagitan ng katesismo maipapaalam sa atin kung sino ang Diyos at kung ano ang ninanais niya sa atin.

Ikalawa ay ang PAGDARASAL. Ito ang pakikipag-usap natin sa Kaniya. Ito ay paraan upang tayo ay magkaroon na ugnayan sa Diyos.

Ikatlo ay ang PAGNINILAY sa buhay natin at ng DIYOS na nariyan lagi para sa atin. Dito makikita natin at marerealize natin ang kabutihan ng Diyos sa atin.

Sa pamamagitan ng tatlong ito, makikilala nating lubos ang Panginoon.

Amen.

6th Sunday in Ordinary Time

Blessed are the poor.
Blessed are the hungry.
Blessed are the weeping.
Blessed are you when people hate you.

Really?
Paano?

To understand this allow me to share to you one of the story I read. 

Isang guro ang nagchecheck ng assignment ng kanyang mga mag-aaral.

Maya-maya, bigla siyang naiyak kaya tinanong siya ng kanyang asawa.

“Anong nangyari sa iyo?”
“Naiyak ako sa huling papel na binabasa ko.”
“Bakit?”

Sabi ng teacher, “Nagbigay ako ng assignment sa mga bata na ang title ay MY WISH.” 

Sabi ng batang ito: “My wish is to become a smart phone.”

“Kasi ang tatay ko umuuwi galing trabaho at pagod, walang time sa akin pero lagi niyang hawak ang smart phone.”

“Kapag ang mga magulang ko busy di ako napapansin kahit umiyak ako pero once na mag-ring ang phone sinasagot agad.”

“Naglalaro sila sa kanilang mga phone pero di sila nakikipaglaro sa akin.”

“Kaya sana maging smartphone na lang ako.”

Natouch din ang asawa kaya napatanong siya. “Sino ang batang iyan?”

ANG ANAK NATIN.

Maraming distractions sa buhay natin lalo na kapag meron tayo at ang mga distractions na ito ang nagdadala sa atin papalayo sa lalong mas mahahalaga.

Blessed ang mga poor, hungry, weeping at hated dahil sa kalagayan nila, andun ang kanilang patuloy na paglapit at pag-asa. Andun ang kanilang koneksyon sa Diyos. 

Di naman masama ang magkaroon pero sana huwag itong makasira sa koneksiyon natin sa Kaniya. Wag sana itong maging dahilan ng pagkalayo natin sa lubos na mahalaga; ang ating DIYOS.

Amen.

“If I send them away hungry to their homes, they will collapse on the way.”

He really cares. Ito ang nais Niyang ipakita sa ating Ebanghelyo. May pakialam Siya at may malasakit na naipakikita sa pamamagitan ng dalawang pagkilos niya:

Una, itinuro/ipinahayag Niya ang Mabuting Balita sa mga tao para sa kanilang kabutihan. Ginawa Niya ito upang maitama sila at magabayan sa paglalakbay. Ayaw Niyang tayo ay mapahamak.

Ikalawa, pinakain Niya ang apat na libong tao dahil ayaw Niyang sila ay mapahamak pauwi. Nagmalasakit Siya sapagkat alam Niya na kailangan na nilang kumain at mapalakas nito sa pag-uwi sa kani-kanilang mga tahanan.

Mga kapatid, tandaan po natin na may pakialam at may malasakit Siya sa atin na ating nakikita at nadarama sa mga biyayang ating natatanggap bagaman di tayo karapat-dapat.

He really cares.

Amen.

“But the more he ordered them not to, the more they proclaimed it.”

Biniyayaan sila ng Panginoon at ipinahayag nila ang kabutihan ng Panginoon.

Tayo man ay pinagpala kaya dapat tayo din ay huwag tumigil sa pagpapasalamat. Isa sa magandang paraan ng pagpasalamat sa Kaniya ay ang ipahayag upang maipaalam sa nakararami ang kanyang kabutihan.

Sa ating pagpapahayag, dalawang bagay sana ang ating iisipin:

Una, ipapahayag natin ang Mabuting Balita bilang ating pagtanaw ng utang na loob at pasasalamat sa ating Diyos.

Ikalawa, ipininapahayag natin ang Mabuting Balita tanda ng ating pagkalinga at pagtulong sa ating kapwa na nangangailangan din at upang sila man ay lumapit sa Diyos at Kaniyang pagpalain.

Mga kapatid, ipahayag natin ang Mabuting Balita saan man tayo naroroon. Huwag tayong matakot at mahiya.

Amen.

“From within the man, from his heart, come evil thoughts, unchastity, theft, murder, adultery, greed, malice.”

Ang nagpapasama sa tao ay kung ano yung nasasaloob. Ikaw, ano kaya ang nasasaloob mo? Ano ang ninanais ng puso mo?

Panginoon, hubugin mo po ang aking puso ayon sa iyong puso. Tulungan mo pong naisin lagi ng aking puso ang tama at mabuti na siyang naaayon sa Iyong kalooban. 

Amen.