Friday, 3rd Week of Easter

“If he should find any men or women who belonged to the Way, he might bring them back to Jerusalem in chains.”

The WAY o ang DAAN… ito ang tawag sa mga taong sumusunod at tumatanggap sa Panginoong Jesus. Sila ang mga inuusig ni Saul (San Pablo) dahil sa kanyang masidhing pananampalataya na minanana nila sa kanilang mga ninuno. Sa pagtawag sa kanya ng Panginoon, siya ay nagbago at masidhi niyang ipinahayag ang pananampalatayang kanyang unang inuusig. Siya man ay umayon sa DAAN. 

Tandaan din natin na katulad ni Saul (San Pablo) sundan din sana natin ang DAAN patungo sa Panginoon…

D – asal sapagkat ito ang mainam na source 
ng ating lakas 
A – lisin ang masasamang saloobin/ 
niisip/intensiyon, gayundin ang pagkilos.
A – lisin ang pag-aalinlangan sa Diyos 
bagskos sumampalataya sa Kanya.
N – aising gawin at isabuhay ang MABUTI, 
TAMA at mga kalugud-lugod sa Diyos.

Tulungan mo po kami Panginoon na tahakin ang DAAN patugo sa iyo.

Amen.

Tuesday, 3rd Week of Easter

“When they heard this, they were infuriated,
and they ground their teeth at him”

Sa unang pagbasa, si SAN ESTEBAN ay nagsasalita upang ipahayag ang katotohanan at tawagin ang pansin ng mga Eskriba at Matatanda ng Bayan upang sila ay magbago. Ngunit sa kabila ng pagmamagandang loob at paggabay niya kanila… NAGALIT sila at PINATAY nila siya.

Ganoon naman tayo kung minsan dba… kapag itinatama tayo, kapag napagsasabihan… kapag isinasabi sa atin ang ating mga kamalian… sa halip na magpasalamat ay NAIINIS/NAGAGALIT pa tayo. Madalas kase kulang tayo sa kababang-loob upang tanggapin ang ating mga kamalian at kahinaan sa buhay. 

Mga kapatid, may mga tao talaga na pupunain tayo… papansinin ang ating mga kahinaan, ngunit huwag tayong magagalit bagkos kunin natin ang pagkakataong iyon na pagnilayan ang ating mga buhay at tingnan baka kase totoo nga naman ang napapansin nila..

Panginoon pagkalooban mo po kami ng lakas ng loob na maging bukas sa paggabay sa ng mga taong pinadala ninyo upang ipaalam sa amin ang dapat naming ayusin pa sa aming mga buhay.

Amen.

3rd Sunday of Easter

“Jesus said to them, “Children, have you  
caught anything to eat?”
“Cast the net over the right side of the boat
and you will find something.”
“Come, have breakfast.”

These gestures of Jesus proves that He really cares. Always remember that God cares… and will never stop taking care of us.”
Ito ang isa sa mga ipinakikita sa atin ng ating Ebanghelyo… ang Diyos na mapagkalinga.

Ikaw ano ang kwento ng mo… ano kwento ng buhay mo na kung saan di ka pinabayaan ng Panginoon bagkos inalalayan ka, pinagpala ka at kinalinga ka? Sa totoo lang di siya darating katulad ng pagdating niya sa ebanghelyo ngunit sa pamamagitan ng mga tao sa paligid mo at sa mga pangyayari sa buhay mo makikita mo na ikaw ay pinagpapala niya.

Panginoon, salamat po sa patuloy mong pagkalinga sa akin. Alam ko po na sa kabila ngvmga pagsubok ay ang iyong presensya na nagsasabi sa amin na kmi ay nasa mabuting kamay.

Amen.

Saturday, 2nd Week of Easter

“It is I. Do not be afraid.”

Isa sa mga paborito kong bible passages ay ang Romans 8:31. Isinasaad nito na “if God who can be against us.”

Ito ang sinasabi ni San Pablo sapagkat ito ang karanasan niya. Madaming pagsubok ang dumating sa buhay niya ngunit sa huli nakita niya ang Diyos na nariyan para sa kanya.

Ito rin sana ang makita natin… ang Diyos ay laging sumaasaatin kaya’t hindi dapat MATAKOT o MANGAMBA bagkos magalak tayo sa Kanya.

Panginoon pawiin mo ang takot sa aming mga puso at turuan mo po kaming magtiwala sa iyo LALO NA SA ORAS NG PAGSUBOK.

Amen.

St. Phillip and St. James

Ngayon inaalala natin ang dalawa sa labindalawang Apostol ng Panginoon na pinili niya bilang Pundasyon ng ating Simbahan.

Sila ay naging pundasyon ng simbahan hindi dahil sa PERPEKTO sila o ang kanilang pananampalataya. PUNDASYON sila sapagkat sila ay pinili ng ating Panginoong Jesus at gayundin nanatili silang sumunod sa ating Panginoon. 
Sa katotohanan, maging sila ay dumaan sa pag-aalinlangan lalo na sa sa kagila-gilalas na balita tungkol sa Muling Pagkabuhay ng Panginoon. Patunay nito ay ng sila ay natakot at nagtago.

Mga kapatid, ibinibigay sa atin upang huwaran ang mga apostol lalo na sina San Felipe at Santiago upang ipaalam sa atin na HINDI lamang ang mga perpekto ang kinalulugdan ng Diyos bagkos ang mga katulad nila na minsan nag-alinlangan… at minsan nagkamali, ngunit bumalik at muling sumusunod sa Panginoon.

Kung tutularan lamang natin sila na nagtiyaga na sumunod sa Panginoon at sumampalataya, tiyak, katulad nila tayo din ay pagpapalain ng Diyos.

Panginoon, tulungan mo po akong magbago at matutong sumunod sa iyong kalooban katulad ng ginawa ng mga apostol.

Amen.

Thursday, 2nd Week of Easter

“Whoever does accept his testimony certifies that God is trustworthy.”

Naniniwala ka ba sa ipinahayag at patunay ng ating Panginoong Jesus?
Tinatanggap mo ba ito?
Kung naniniwala ka at tinatanggap mo ito, magandang ipakita mo ito sa pang-araw araw na pamumuhay mo.

Ipakita sa pamamagitan ng 
tamang pag-pili/desisyon…
Tamang pagkilos…
Tamang pakikitungo sa kapwa…

Mga kapatid… ilan sa mga binyagan ang pinapanigan at pinaninindigan ang MALI. Kung minsan pa nga kahit mali ay mas pinaniniwalaan nila dahil sa mga tao na gumagamit ng mga magaganda, emosyonal at mga convincing na pananalita. Pero sa katotohanan kahit anong ganda ng paliwanag… hindi naman nito maitatama ang MALI.

We must never use our emotions as the basis of our judgement kahit na nga ang pagiging praktikal, hindi dapat. Gamitin natin ang ating isip, gamitin nating basehan ang katotohanan at moral na katuruan na hango sa turo ng Panginoon.
Sa mga umiintindi at nakakaintindi, sa mga may pananampalataya, ang itinuturo ng Panginoon… ang kanyang kaolooban ang siyang totoong pinaka-praktikal at tama at mabuti sapagkat ito ay palaging tungo sa kaayusan nating mga tao.

Panginoon ipadala mo po sa amin ang liwanag na kaloob ng Banal na Espiritu upang tulungan niya kaming umunawa at gayundin sumaksi araw araw sa Panginoon.

Amen.

Feast of St. Joseph the Worker

Si San Jose ay isang mangagawa. siya ay karpintero. Sa katunayan kilala siya ng mga tao kaya nga sa ating Ebanghelyo ngayon, siya ay kinilala bilang ama ng Panginoon… sinabi nila, “siya si Jesus ang anak ng karpinterong si Jose.”

Ngunit hindi lamang siya isang mangagawa. Mangagawa din siya ng Diyos. Siya ay tumugon sa paanyaya ng Diyos para sa isang natatanging misyon. Ito ang tumayong ama ng Panginoong Jesus at asawa ng Mahal na Birhen at tagapagtaguyod ng pamilyang ito. 

Mga kapatid, tayo din ay inaanyayahan ng Diyos na maging mangagawa niya. Nawa’y sa ating pamilya maipahayag natin ang higit na pag-unawa at pagmamahal. Sa lugar na pinagtratrabahuhan at pamayanang ginagalawan, tayo nawa ay magsilbing huwaran sa mabuti at maayos ng paggawa at gayundin paglilingkod. At kung saan man tayo naroroon, maging tagapagpahayag din tayo ng Mabuting Balita sa Salita at Gawa.

Mga kapatid, tularan natin si San Jose isang totoo at mabuting mangagawa ng Diyos.

Amen.

Tuesday, 2nd Week of Easter

“The community of believers was of one heart and mind.”

Kaisa ng Panginoon ang kanyang mga alagad sa puso at isipan kung kaya’t kaya nilang magsakripisyo para sa Panginoon. Kaya nilang magbigay ng kung anumang maaring ialay.

Ikaw, kaisa ka rin ba ng Panginoon sa isip at puso? Paano mo ito naipakikita? Anu-ano ang konkretong ginagawa mo araw-araw na siyang tanda ng iyong pakikiisa sa Panginoon?

Panginoon, tulungan mo po kaming makiisa sa Iyo sa pamamagitan ng pagsunod sa Iyong kalooban.

Amen.

Monday, 2nd Week of Easter

“Rabbi, we know that you are a teacher who has come from God, for no one can do these signs that you are doing unless God is with him.”

Katulad ni Nicodemo, isang Pariseo, kilalanin sana natin ang Panginoong Hesus bilang isang tunay na guro. Kasama ng pagkilala sa Kanya ay ang ating pakikinig sa Kanya at pagtanggap sa Kanyang mga katuruan. 

Mga kapatid, buksan po natin ang ating sarili sa ating Panginoon at hayaan nating gabayan Niya tayo sapagkat siya ang GURO na MAGTUTURO at GAGABAY sa ating paglalakbay tungo sa buhay na walang hanggan.

Amen.

Divine Mercy Sunday

“Jesus came, although the doors were locked, and stood in their midst and said, “Peace be with you.”

Based from my experiences, isa sa pinakamasakit na maaring mangyari ay ang traydorin o ipagkanulo at talikuran tayo ng mga taong malapit sa atin tulad ng pamilya at mga kaibigan. Ito rin yung pagkakataon na mahirap magpatawad. Ito rin ang mga pagkakataon na hirap tayong makapagmove-on at takot na tayong magtiwala pa.

Mga kapatid ito rin ang nangyari sa ating Panginoon. Ang mga alagad Niyang kasa-kasama at malapit sa Kanya, ang mga tao na pinagkatiwalaan Niya ang siyang umiwan, tumalikod at nagkanulo sa Kanya sa panahon ng kagipitan. Ngunit sa kabila nito ang hatid Niya ay walang iba kundi KAPAYAPAAN na dulot ng Kanyang AWA at PAGMAMAHAL.

Mga kapatid, ito rin ang nais ng Panginoon; na maghatid din tayo ng kapayapaan sa pamamagitan ng pagpaoatawad at hindi pakikipag-away. Totoo na HINDI ito madali ngunit HINDI IMPOSIBLE.

Dalawang bagay:

Una, kung tayo ang sinaktan at nakita nating nahihirapan tayong magpatawad, sa Linggong ito o LINGGO NG DAKILANG AWA ng PANGINOON at sa mga darating na Linggo ay ipanalangin mo na turuan ka ng Panginoon na magpatawad. Ask God to BLESS and HEAL you through His Divine Mercy and also teach you to forgive and move-on.

Ikalawa, kung nakita mo naman na ikaw ang nakagawa ng mali, ask and pray to the Lord to grant you the GIFT of HUMILITY to be able to ask for forgiveness and be able to do reparation.

Today, we celebrate the DIVINE MERCY SUNDAY. Makita sana natin ang DAKILANG AWA ng Panginoon sa pamamagitan ng patuloy Niyang pagpapala sa atin sa kabila ng ating mga pagkukulang. Gayundin, maging instrumento nawa tayo ng Kanyang Dakilang Awa sa pamamagitan ng ating pagpapatawad at pagtulong sa mga nangangailangan.

Amen.

Friday, Octave of Easter

Simon Peter said to them, “I am going fishing.”
They said to him, “We also will come with you.” So they went out and got into the boat, but that night they caught nothing.

Nang si Jesus ay wala na sa piling nila, ang tendency nila ay bumalik sa dating buhay; ang mangisda.

Ito rin tayo, bumabalik tayo madalas sa pangit at maging sa makasalanang sitwasyon. May mga panahon na inspired tayo, feeling blessed tayo, to the point na nangangako pa tayo na magbabago. Pero kapag lumipas ang ilang panahon, bumabalik tayo sa dati nating mga buhay pati na sa ating pangit at maging sa makasalanang sitwasyon.

Ngunit sa ating Ebanghelyo ngayon, ang mga alagad ay muling tinawag ng Panginoon. Ito marahil ay paalala at pagtawag sa kanila na sana ay manatili sila sa estado na kung saan sila ay dinala ng Panginoon . Gayundin ang paalala nila sa atin; kapag tayo ay napatawad, biniyayaan at pinagpala, sana tayo ay huwag ng tumalikod pa. Manatili nawa tayo sa kaayusan at estado na nais ng Panginoon para sa atin.

Amen.

Thursday, Octave of Easter

Then he said to them, “Why are you troubled? And why do questions arise in your hearts?”

Ito ang tanong ng ating Panginoon sa Kanyang mga alagad at tanong na itinatanong niya sa atin.

Ano man ang mga bagay na bumabagabag sa iyo, ano man ang kinatatakutan mo, ano man ang mga agam-agam mo sa buhay ay nais Niyang ipaabot na BUHAY SIYA. NARIYAN SIYA para sa atin.

Katulad ng Kanyang pagbibigay ng kapayapaan sa Kanyang mga alagad sa pamamagitan ng Kanyang presensiya at pangako, Siya’y laging nariyan para sa kanila. Nais din Niyang ipaabot sa atin ang Kanyang kapayapaan dulot ng Kanyang presensiya at ang pangako na di Niya tayo iiwan.

Amen.

Wednesday, Octave of Easter

Ang tagpo nina Hesus at ng dalawang alagad Niya habang sila ay naglalakbay patungo sa Emmaus ay nangyari upang imulat Niya ang mata ng pananampalataya ng mga alagad Niya.

Bukod doon, ito rin ay paalala sa atin ng Panginoon ng mga dapat nating matutunan:

N-ever lose hope (huwag matatakot at mawawalan ng pag-asa anumang pagsubok ang dumating)

Y-es to the Lord (ugaliing bumalik at maglingkod sa Diyos)

D-aily (patuloy maging consistent sa paglikingkod sa Diyos)

Amen.

Monday, Octave of Easter

“And behold, Jesus met them on their way and greeted them. They approached, embraced his feet, and did him homage.”

Don’t expect na magpapakita ang Panginoon sa paraang na ginawa Niya sa ating Ebanghelyo noon. Ngunit hindi ibig sabihin nito ay wala na Siya. SA KATOTOHANAN AY LAGI SIYANG NARIYAN PARA SA ATIN AT KALAKBAY NATIN.

Balikan natin ang mga lumipas na araw ng ating buhay. Makikita natin na tayo ay PINAGPALA at BINIYAYAAN sa iba’t-ibang pamamaraan. Tanda ito na nariyan SIYA at BUHAY na BUHAY para sa atin. 

Sana ay makita natin ito. Katulad ni Maria Magdalena at ng mga kasama niya, ipahayag din natin sa iba ang Mabuting Balita na ang Panginoon ay nariyan na nagpapahayag ng Kanyang presensiya sa pamamagitan ng paggabay, pagtulong at pagpapala.

Amen.

Easter Sunday

May nagtanong sa akin kahapon at humingi ng simpleng sagot. “Padre, ano po ang best or surest way to HEAVEN?”

Sabi ko, isa lang ang pwede ko masabi at yun ay “ANG SUNDIN ANG KALOOBAN NG DIYOS ARAW-ARAW,”

Ngunit alam kong kulang iyon.
Para sa akin, the BEST WAY to HEAVEN is to give our BEST. 

Ano nga ba ang ibig sabihin na ibigay ang BEST. Ito ay nangangahulugang:

B – UKSAN ang ating Puso sa Diyos. Hindi Siya makakapasok sa ating mga buhay kung hindi tayo magbubukas ng sarili sa Kanya. Remember that HE RESPECTS OUR CHOICES, OUR FREEDOM.

E – ASTER PERSON. Ang Easter ay ang araw ng MULING PAGKABUHAY NG PANGINOON. Sana hayaan nating mabuhay muli ang Panginoon sa atin at manatiling BUHAY sa ating pang-araw araw na buhay. 

S – UNDIN ang Kalooban ng Diyos. Ang tunay na Easter sa buhay natin ay kapag tayo ang kumikilos ayon sa kalooban ng Diyos. Ginagawa natin ang tama, mabuti at totoo.

T – RUST o TIWALA na ang Diyos ang Siyang magkakaloob sa atin ng buhay na walang hanggan. Tandaan, kung effort lamang natin ang siyang pagbabasehan; ito ay mahirap. Kung tayo lamang, hindi tayo maliligtas. Kailangan natin ang Diyos sapagkat Siya lamang ang maaring magkaloob ng BUHAY NA WALANG HANGGAN o LANGIT sa atin.

Amen.