Feast of the Transfiguration of the Lord

“Becoming fully awake, they saw his glory and the two men standing with him.”

Sa ebanghelyo, nakita ng mga alagad ang Panginoong Jesus na nagliliwanag kasama sina Elias at Moises na lubha nilang ikinalugod.

Isa sa mga ninanais ng Diyos ay ang makita din natin siya bilang Panginoon nagliliwanag sa atin araw-araw. Siya kase ang Panginoon na laging nariyan para sa atin upang maging gabay at tumulong sa atin. Makita/mapansin nawa nating mga tao ang kanyang pagliliwanag at presensiya sa araw-araw.

Ang ebanghelyo natin ngayon ay nanawagan sa atin na maging sensitibo tayo sa kanyang mga pagkilos kaya nga ipanalangin natin sa kanya na tulungan niya tayong makita at maramdaman ang kanyang presensiya sa araw araw. Hingiin natin sa kanya na liwanagan din niya ang ating mga isip at puso pati na din sa ating mga mata upang makita natin ang iba’t-ibang pamamaraan ng pagtulong at paggabay sa atin.

Amen.

Monday, 18th Week in Ordinary Time

The disciples approached him and said “This is a deserted place and it is already late; dismiss the crowds so that they can go to the villages and buy food for themselves.”

Kapag nahaharap tayo sa mahirap na sitwasyon, kung minsan ang gusto nating gawin ay tumakas na lang sa halip na harapin at lutasin ang sitwasyon na iyon. Ito ang makikita natin sa mga disipulo ng Panginoon lalo na ng gumagabi na at kilangan pakanin ang mga tao na nakikinig sa Panginoon. Nais nilang pauwiin na lang sila ng sa gayon wala silang isipin ngunit ninais ng Panginoong Jesus na harapin nila iyon at huwag takasan.

Tatlong bagay po ang nais kong lagi sana nating tandaan sa mga ganitong pagkakataon.

Una, laging tatandaan na hindi tayo bibigyan ng Diyos ng pagsubok o ilalagay sa mga sitwasyon na hindi natin kaya.

Ikalawa, huwag tayong susuko o tatakas agad. maging positibo tayo at gamitin natin ang kaloob ng Diyos sa atin na kaalaman, karunungan at kakayanan.

Ikatlo, laging tatandaan, NARIYAN ANG DIYOS AT HINDI TAYO PABABAYAAN. Mahal niya tayo at ang laging hangad niya ay ang kabutihan natin. 

Kaya kung nahaharap tayo sa mahihirap na sitwasyon… TANDAAN… kapit lang sa Diyos at kasama ng ating mga pagtitiyaga na harapin iyon, tiyak ang lahat ay magiging maayos.

Amen.

18th Sunday in Ordinary Time

Tama na gamitin natin ang ating Kaalaman, karunungan, kakayanan at panahon sa paghahanapbuhay para matugunan natin ang ating pangangailangan natin.
Ngunit dapat din sana nating makita na hindi lamang tayo dapat nakatutok dito katulad ng mayaman sa Ebanghelyo. 
MAHALAGANG MAHALAGA din ang paglalaan ng panahon para sa ating ESPIRITWAL NA PANGANGAILANGAN. 
Naalala ko tuloy si St. Benedick na nagpahayag ng katuruang ORA at LABORA. Kailangan daw ng PANALANGIN… EFFORT PARA SA MALALIM NA UGNAYAN SA DIYOS at EFFORT SA PAGGAWA tugon sa ating mga pang-araw araw na pangangailangan.

Word of the Day for this Sunday is BALANCE. Pagpapahalaga sa Pangagailangan Materyal at Pagpapahalaga sa Pangangailangang Espiritwal.

Panginoon tulungan mo po kaming hindi lang basta nakafocus sa mga materyal naming pangangailangan bagkos pati na din sa iyo higit sa lahat.

Amen.

Thursday, 17th Week in Ordinary Time

“Do you understand all these things?”

Ito ang tanong Panginoon sa tao pagkatapos niyang ipahayag ang parabula at ito din naman ang ninananais niya para sa kanila at gayundin para sa atin… ang MAUNAWAAN ang kanyang SALITA.

Mga kapatid, bilang mga mananampalataya kailangan nating maglaan ng panahon at pagtyatyaga upang unawain ang ating pananampalataya. Hinihingi sa atin na tayo ay makapag-basa, makapag-saliksik, makapag-tanong, makapag-aral at makapag-nilay upang maunawaan ang ating pananampalataya. 

Ngayong araw na ito inaalala natin ang Santong si San Alphonsus Liguori. Siya ay kinilalang banal dahil sa kanyang malalim na kaunawaan tungkol sa pananampalataya at sipag sa pagpapahayag nito. Sana katulad niya maunawaan din natin ang pananampalataya natin at maging tagapagpahayag din tayo ng Panginoon sa pagpapahayag ng Mabuting Balita lalo na sa ating mga tahanan at pamayanang ginagalawan.

San Alphonsus, ipanalangin mo po kmi.

Amen.

17th Sunday in Ordinary Time

Isa sa mga naturunan ko sa FAMILY, sa FORMATION at gayundin sa mga naging SUPERIORS ko sa mga parokya na naitalaga ako ay ang pagkain ng sabay-sabay. Naalala ko bawal humiwalay at dapat sarado ang T.V kapag kakain na. Baba ang Cellphone 1kapag kumakain na. Itinitigil ang anumang ginagawa para kumain… BAKIT GANOON? Ito kase yung panahon para magkumustahan… ito yung panahon para makapag-usap at ito rin ang pagkakataon masabi ng nakatatanda ang nais niya.

Mga kapatid, kung titingnan natin pinahahalagahan nila yung pagkakataon na makausap ang bawat isa. Pinahahalagahan nila ang na makumusta man lamang ang mga kasama. Binibigyang diin nila ang ang pag-uusap usap upang magkaunawaan. Sa pamamagitaþysan nito ay nagkakapalagayang loob ang bawat isa.

Mga kapatid, ito din ang nakita ng mga disipulo ng Panginoon kaya lumapit sila sa Panginoon. Ito din ang ipinakita ng Panginoon sa kanyang paglalaan ng panahon para sa pagdasal. Ito rin ang bingyang diin ng Panginoon ng tinuruan niyang makipagusap sa Ama ang kanyang mga alagad. Ang PANALANGIN AY PAKIKIPAG-USAP SA DIYOS NA NAGDUDULOT NG UGNAYAN SA KANYA. The more we prayer the more nating nadedevelop ang ating relasyon sa kanya. 

Pray… Pray more… Pray especially in the mass na kung saan tayo ay nakaharap sa HAPAG NG PANGINOON AT NAKIKINIG AT TUMUTUGON SA KANYA.

Amen.

Saturday, 16th Week in Ordinary Time

Ang Diyos palaging may kinakasangkapan upang ipahayag ang kanyang kalooban. Sa unang pagbasa si Moises ang kanyang tinawag at inanyayahan niya upang ipahayag ang kanyang kalooban/utos upang magabayan niya ang Israel.

Sa panahon natin ngayon ipinapahayag pa din niya ang kanyang kalooban at payuloy tayong ginagabayan… Ito ay sa pamamagitan ng SIMBAHAN na ating kinabibilangan. 
Kung matatandaan natin, itinatagag niya ito sa pamamagitan ng pagtawag sa labindalawa at sinugo niya ito pagkatapos ipagkaloob ang Banal na Espiritu. Kaya nga ang simbahan magpasa-hanggang ngayon ay nagtuturo… nagpapaaalala… gumagabay at gayundin nagsasalita sa mga isyu laban sa moralidad. 

Makinig nawa tayo… unawain ito… tanggapin at isabuhay ito.

Sa ebanghelyo naman, tayo ay pinaaalalahanan na mag-ingat sa binhi na inihahasik ng kaaway sapagkat ito ang lalason sa ating mga isip at siyamg magdadala sa atin sa kapahamakan. Nawa huwag tayong padalos dalos sa pagtanggap ng magagandangvpananalita at pagpapaliwanag kundi isiping mabuti ang mabuti, tama at ayon sa katotohanan.

Amen.

St. James the Apostle

“When the disciples James and John saw this, they asked, “Lord, do you want us to call fire down from heaven to destroy them”

Ito siya noong una…
mainitin ang ulo… palaban…
pikon… iniisip niya ay masama. 
Ngunit sa huli, naging mga mabuting alagad siya. Ipinahayag niya ang Mabuting Balita at ipinadama niya ang pag-ibig ng Panginoong Jesus sa kanyang pinaglingkuran.

Nabago siya… binago siya ng Pag-ibig ng Diyos. Sabi sa isang aklat (The Imitation of Christ) “Once you have entered completely into the depths of Jesus, and have a taste of his powerful love, then you will not care about your own convenience or inconvenience.” Nakafocus na siya sa Panginoong Jesus at sa misyong iniatas sa kanya.

May masasama tayong ugali na gusto nating baguhin ngunit nahihirapan tayo. Lapit tayo sa Panginoon katulad ni Santiago at tiyak tutulungan niya tayong magbago. Hingiin din natin panalangin ng banal na si Santigao para sa intensiyong ito.

Amen.

Wednesday, 16th Week in Ordinary Time

“Here in the desert the whole assembly of the children of Israel grumbled against Moses and Aaron.”

Kapag titingin ka lang at magfofocus ka sa dilim… puro dilim lang ang makikita mo ngunit kung liwanag makikita mo ang maraming mabubuting bagay sa iyong paligid.

Ito ang karanasan ng mga Israelita sa Unang pagbasa. Reklamo ng reklamo ang mga Israelita kapag nakakaramdam sila ng mga inconveniences… nakafocus sila sa negatibo kaya tuloy nakakalimutan nila ang mga mabubuting biyaya na ginawa at ipinagkaloob sa kanila ng Diyos para sa kanila.

Mga kapatid, totoo madaming mga inconveniences sa buhay… pero HUWAG lang tayong magfocus doon bagkos maging balanse tayo at tiyak makikita natin na mas maraming biyaya ang Diyos sa atin. tandaan kapag sa pangit lang tayo nakatingin tiyak maiistres tayo. Be positive and you will see what is positive/good and it will give a positive life.

Amen.Wednesday, 16th Week in Ordinary Time

Tuesday, 16th Week in Ordinary Time

“Moses stretched out his hand over the sea, and the LORD swept the sea with a strong east wind”

Marami at iba’t-ibang tanda ang mababasa natin sa unang pagbasa. Ang mga tanda na ito ay tanda ng malasakit at pagmamahal ng Diyos sa kanyang bansa na ipinaranas sa pamamagitan ni Moises.

Sa panahon natin ngayon, wala na si Moises pero hindi nangangahulugan na di natin nararanasan ang pagmamahal ng Diyos. Kung bubuksan natin ang ating mga mata at isipan makikita natin ang napakaraming tanda o sign ng kanyang pagmamahal sa ating mga buhay. Makita sana natin ito. Mapahalagahan sana natin ito. Nawa makita natin sa pamamagitan ng mga ito ang pagmamahal niya sa atin.

Panginoon buksan mo po ang aming mata at isip upang makita namin ang mga tanda ng iyong pagmamahal sa amin

Amen.

St. Mary Magdalene

“I have seen the Lord,”

Ito ang ipinahayag ni Maria Magdalena pagkatapos niyang makita ang Panginoon na muling nabuhay… 

Ngunit ito din ang kwento ng kayang buhay. Nang MAKITA niya ang PANGINOON at MAKILALA niya siya, SINUNDAN na niya siya. Si Maria Magdalena ay naging tunay na alagad ng Panginoon. 
Siya ay DISIPULO na nakinig, natuto at sumunod sa Panginoon hanggang sa huli at siya din ay APOSTOLES na naging instrumento ng Panginoon upang ipahayag sa mga apostol na ang Panginoon ay muling nabuhay.

Katulad niya… hangad ng Panginoon na maging mga disipulo at apostoles din tayo. Disipulo na nakikinig at natututo sa kanyang Salita at gayundin apostoles na nagpapahayag ng mabuting balita sa salita at sa mabuting halimbawa sa kapwa.

Panginoon, tulungan mo po kaming matularan ang santong si Maria na sumunod sa kalooban mo hanggang sa huli.

Amen.

16th Sunday in Ordinary Time

Alalahanin…
Pagsubok…

Hindi na ito nawawala sa atin. Araw-araw iba’t-ibang uri ng alalahanin ang ating pinagdaraanan. Ngunit ano nga ba ang tamang disposisyon sa pagharap sa mga alalahanin/pagsubok?
Huwag sobrang pag-aalala katulad ni Marta sa Ebanghelyo.

Ano nga ba?

“Pray as if everything depends on God (kasama at katulong natin ang Diyos), work as if everything depends on you(kailangan din kasi nating kumilos at gumawa bilang pakikiisa sa kanyang biyaya.” 

Panginoon, naniniwala po kaming nariyan ka at di mo kami pababayaan.

Amen.

Saturday, 15th Week in Ordinary Time

“…mahigpit niyang ipinagbilin sa kanila na huwag ipamamalita ang tungkol sa kanya (Jesus).”

Ibinilin ito ng Panginoon dahil sa dalwang dahilan.

Una, dahil sa may banta na sa kanyang buhay. Kapag siya ay naipahuli at naipapatay agad… di niya maipapahayag ang Mabuting Balita.

Ikalawa, dahil sa pinagkakaguluhan/ pinagkakalipunpunan siya ng mga tao na maaring madulot ng delay sa kanyang misyon o di makapasok sa mga lugar na dapat niyang puntahan dahil sa nahaharang o napipigilan na siya ng mga tao.

Kung sa panahon na iyon ng ating Panginoon ipinagbibilin niya na huwag ipamalita… sa panahon natin ngayon ang KAILANGANG-KAILANGAN NAMAN AY MAIPAHAYAG ITO. Kaya nga ang bawat isa sa atin ay inaanyayahang makiisa at makibahagi sa pagpapahayag ng Mabuting Balita. 

Mga kapatid, ano nga ba ang dapat nating ipahayag… syempre ang mga katotohan patungkol sa Panginoon at kalooban para sa atin. Maganda ring ikwento natin ang ating PERSONAL NA KARANASAN TUNGKOL SA PAGPAPALA SA ATIN NG PANGINOON. Mahalaga ito sapagkat konkreto itong PAGSAKSI (witness) sa kalooban ng Diyos.

MAARI KA BANG MAKIISA AT MAGING TAGAPAGKWENTO NG MABUTING BALITA?

Amen.

Friday, 15th Week in Ordinary Time

Sa mga Hudyo, sagrado ang Sabbath o ang Araw ng Pamamahinga. Sa ating mga Katoliko sagrado naman ang Linggo sapagkat ito ay pagaalala at pagdiriwang natin ng MULING PAGKABUHAY ng ating PANGINOONG JESUS.
Katulad ng mga Hudyo, itinuturing din natin itong araw ng pamamahinga… walang pasok ito at araw ito kasama ang pamilya. Isa lang ang problema ng marami… pati ang pagsimba at pagsamba sa Diyos ay naipagpapaliban sa ngalan ng pahinga.

Mga kapatid, ang kapahingahan at kapayapaan ay matatagpuan sa Diyos kaya nga mahalaga na dumulog tayo sa Diyos sa araw na ito bilang pasasalamat sa kanya sa isang Linggong lumipas sa paghahanapbuhay… gayundin naman ito ay pagkakataon naman para dumulog sa kanya upang hilinging maging mas maayos ang susunod na Linggo.

Gayundin, dahil sa ito ay araw para sa pamilya, maganda din namang makita natinna tayo ay anak ng Diyos sampu ng ating mga kapamilya, kaya marapt na tayo ay dululog sa kanya sa araw na ito na para sa Panginoon na ating Ama at Diyos

Let us PRIORITIZE GOD DURING SUNDAYs… Magsimba… magsamba sa ating Panginoon at Ama.

Amen.

Thursday, 15th Week in Ordinary Time

Jesus said:
“Come to me, all you who labor and are burdened, and I will give you rest.”

Madalas nagrereact lang tayo sa mga sitwasyon na kinalalagyan natin… Bakit tayo maging pro-active.

Sa ebanghelyo natin ngayon inaanyayahan ng Panginoon ang mga napapagal at nabibigatan upang kanyang matulungan. 
Tayo naman na nasa maayos na kalagayan ay magnilay at tanungin ang sarili; BAKIT HIHINTAYIN KO NA MAPAGAL PA AKO AT MABIGATAN… BAKIT HINDI KO GAWING SA SIMULA PA LAMANG AY LUMAPIT SA KANYA UPANG MAIWASAN ANG PAGKA-PAGAL AT HINDI MABIGATAN sa buhay?

Kapag kasama natin ang Diyos, dumaan man tayo sa mga pagsubok tiyan pagpapalain at tutulungan niya tayo hanggang sa malampasan natin ang mga ito.

Amen.