21st Sunday in Ordinary Time

“Humayo’t dalhin sa Tanan ang Mabuting Balita.”

Sinasabing ang mga kabataan ngayon ay masyado ng advance. Mas marami na silang alam kaysa sa atin at ito ay dahil sa makabagong teknolohiya at madaling access sa mga inpormasyon dahil sa internet. 

Totoo nga ito, marami silang alam ngunit ito ay kaalaman tungkol lamang sa mga bagay, buhay ng tao, mga bagong impormasyon at maging sa mga bagong teknolohiya. Kaya nga nakakalungkot isipin na marami silang alam MALIBAN SA PANANAMPALATAYA… MALIBAN SA DIYOS.

Mga kapatid, ito ang panawagan sa atin ng ating Salmo Responsorio… ang ipahayag ang Mabuting Balitang Aral sa Tanan at sa pagkakataong ito gamitin natin ang makabagong teknolohiya at makabagong paraan ng komunikasyon para gawin ito. 
Dahil dito nagbababad ang maraming tao lalo na ang mga kabataan bakit di natin samantalahin at gamitin na ito bilang venue para maipahayag ang Mabuting Balita. Sa pamamagitan nito mas magiging madali ang pagpapalaganap ng Mabuting Balita. Gamitin natin ang ating mga cell phone. gamitin natin ang messenger, ang facebook at iba pang social network. Maging tapagdala at tagapagbalita nawa tayo ng Mabuting Balita sa ating henerasyon.

Amen.

Feast of St. Bartholomew

“Rabbi, you are the Son of God; you are the King of Israel.”

Ito ang ipinahayag ni Bartolome sa Panginoon ng makilala niya ang Panginoon. 
Ngunit hindi naman diyan natapos ang kanyang pagkilala sa Kanya. Ipinagpatuloy ito sa kanyang tatlong taon na pagsunod sa Kanya kasama ang iba pang mga alagad. Ipinahayag niya ang Mabuting Balita sa mga bansa tulad ng India, Ethiopia and Arabia. Nakarating din siya hanggang sa Mesapotamia at Phyrgia at Armenia. Ang pagpapahayag niya ng kanyang pagkilala sa Panginoon ay naipakita niya hanggang siya ay patayin na kumilala sa kanya bilang isa sa mga martir ng simbahan.

Ikaw at ako? kinikilala ba natin ang Panginoong Jesukristo? Paano natin konkretong kinikilala ang Panginoon? Tularan ang apostoles na si Bartolome na ipinakita ang kanyang pagkilala sa Panginoon sa SALITA na may kasamang GAWA.

Panginoon, tulungan mo po kaming matularan ang halimbawa ng iyong alagad na si San Bartolome.

San Bartolome, ipanalangin mo kami.

Amen.

Friday, 20th Week in Ordinary Time

“They gathered together, and one of them, a scholar of the law, tested him by asking, “Teacher, which commandment in the law is the greatest?”

May isang pilosopo/pilosoper akong naalala habang binabasa ko ang ebanghelyo. Ipinakilala niya ang isang pamamaraan para malaman at maunawaan ang KATOTOHANAN. Siya si Socrates at ang kanyang pamamaraan ay tinatawag na SOCRATIC METHOD. 

3 steps ang sinusunod nito…
una, examining a claim, (wag lang maniniwala basta at tanggap ng tanggap)
ikalawa, questioning that claim, (magtanong ng magtanong para maunawaan at lumabas ang katotohanan)
ikatlo, finding true knowledge.

Ito ang isa sa pwede nating makita sa ebanghelyo (altho wag tularan ang mga pariseo na may masamang intensiyon sa kanilang pagtatanong).
Dapat nating gawin ang prosesong ito lalo’t higit patungkol sa ating pananampalataya para sa mas malalim na kaunawaan. Mas nauunawaan mas malalim ang pagtanggap.
Kaya nga huwag lang tayo basta maniwala at tanggap ng tanggap… mahalaga ding unawain din natin upang mapahalagahan at maisabuhay.

Panginoon tulungan mo po akong maunawaan ko ang kalooban mo.

Amen.

Queenship of Mary

Si Maria ay tinaguriang Reyna…
Ito ang ipinapahayag at itinuturo sa atin ng pananampalataya. 

Paano nga ba siya naging Reyna? 
Naipakita ito ng higit sa pamamagitan ng kanyang paglilingkod at pagbibigay ng sarili para sa Panginoon hindi para sa sariling kapakanan kundi para sa kabutihan ng lahat ng tao. 
Nasabi ko ito sapagkat ang pagiging totoong reyna ay hindi naman dahil sa marangyang damit, mataas na dignidad at maraming pag-aari. Ang totoong reyna ay katulong ng hari sa paglilingkod sa kanyang nasasakupan.

Mga kapatid, ang Mahal na Birhen ay tunay na Reyna dahil sa kanyang pagbibigay ng sarili at paglilingkod para sa kabutihan ng tanan… tayo din naman ay tinatawag na magbigay ng sarili at maglingkod. Tularan natin ang Mahal na Birhen na totoong nagbigay ng sarili at naglingkod sa Diyos at sa kapwa.

Amen.

Wednesday, 20th Week in Ordinary Time

Isa sa pinakagandang advice na narinig ko ay ang mga katagang bilangin mo ang mga biyayang natanggap mo… “count your blessings” ika nga. Nakatulong ito upang makita ko na ako ay pinagpala ng napakamaraming bagay at sa iba’t-ibang pagkakataon. Nakatulong ito para maiwasan ang inggit at gayundin makuntento sa kung anong meron ako.

Ito din ang nais kong ibahagi. Bilangin mo lagi, tingnan mo lagi at pahalagahan mo ang biyayang kaloob ng Diyos sa iyo at huwag mong ikumpara mo ang biyaya ng iba sa biyaya na iyong tinanggap at makikita mo pinagpala ka pala dahil mahal ka ng Diyos.

Panginoon, salamat po sa mga biyayang kaloob mo sa amin at salamat po sa mga darating pa.

Amen.

Tuesday, 20th Week in Ordinary Time

Ang unang pagbasa at ang ebanghelyo ay parehong nagsasalita sa pagtawag at paglilingkod sa Diyos.

Katulad nina Gideon at mga disipulo ng ating Panginoon tayo din ay tinatawag na maglingkod. Totoo na nariyan ang pakiramdam na di tayo karapat-dapat ngunit huwag tayong panghinaan ng loob… huwag matakot… huwag mangamba.

Tandaan kung tayo ay maglilingkod, ang isipin natin hindi yung unworthiness natin kase wala namang worthy dahil lahat ay makasalanan. Ang isipin natin ay kung ano magagawa at maibibigay at kung paano tayo makapaglilingkod sa ganitong kalagayan.

Lord, make me less unworthy… teach me how to serve you as we should.

Amen.

Monday, 20th Week in Ordinary Time

“Teacher, what good must I do to gain eternal life?”

Ito ang taning ng lalaki sa Panginoon at sa magandang sa araw-araw ito din ang dapat na itanong natin sa ating mga sarili… “SA ARAW NA ITO, ANO ANG GAGAWIN KO PARA MAGKAMIT NG BUHAY NA WALANG HANGGAN? ANO ANG GAGAWIN KONG MABUTI? ANO ANG MGA IIWASAN?”

Panginoon, tulungan mo po kaming palagiang sundin ang loob mo ARAW-ARAW.

Amen.

20th Sunday in Ordinary Time

Dumating ang Pangioong Jesus dala ang APOY hindi para puksain tayong makakasalanan bagkos upang magliwanag sa ating landas dahil ayaw niyang tayo ay maligaw.

Isa sa mga apoy na magbibigay sa atin ng liwanag at aakay sa tamang at mabuting landas ay ang simbahan. 

Sa unang pag-basa ang kanilang gabay ay si propeta Jeremias ngunit sa kadahilanang ang sinasabi niya bagamat totoo ay hindi ang mga bagay na gusto nilang marinig… pinatahimik siya at ninais na mamatay. Ngayon ang isa sa mga gabay natin ay ang simbahan… magsasalita ito tungkol sa katotohanan, tama at mabuti sana lang MAKINIG TAYO, UNAWAIN natin ang ipinahahayag na at MAGPAGABAY tayo.

Panginoon, tulungan mo po kaming makaunawa at makasunod sa iyo sa pamamagitan ng iyong simbahang kaloob mo sa amin bilang aming liwanag at gabay.

Amen.

Assumption of the Blessed Virgin Mary

“The Almighty has done great things for me.”

Ang kanyang paglilihi at pagdala sa Panginoong Jesus sa kanyang sinapupunan ay mga dakilang biyaya na kaloob ng Diyos sa Mahal na Birhen. Ang rurok ng biyaya ng Diyos sa kanya ay pagdadala sa kanya sa Kalangitan, katawan at kaluluwa na ating inaalala natin ngayon.

Ano nga ba ang dahilan ng mga kung siya ay patuloy na pinagpapala ng Diyos? Isa sa mga tugon dito ay ang ang pagiging bukas ng Mahal na Birhen sa Diyos at patuloy na pagtugon sa kalooban Niya.

Mga kapatid, ang pagdiriwang ng kapistahang ito ay nag-aanyaya sa atin na PALAGIAN SANA TAYONG MAGING BUKAS sa Panginoon at TUMUTUGO sa Kanya. Bigyan natin siya ng puwang sa buhay natin. Sa ganitong paraan makakikilos siya sa buhay natin.

Panginoon, turuan mo po kaming matularan ang Mahal na Birhen sa pagiging bukas at masunurin sa iyo.

Amen.

Tuesday, 19th Week in Ordinary Time

“Be brave and steadfast, for you must bring this people into the land… It is the LORD who marches before you;”

Madalas ang pag-aalinlangan ang mga Israelita kaya nagpaalala si Moises sa mga Israelita sa kanilang pagpasok sa lupang pangako at pinagpayuhan niya si Josue na siyang hahalili sa kanya at mamumuno sa kanila, sabi niya… “magpakalakas ka at magpakatapang… ang Panginoon ang mangunguna sa iyo.”

Ito rin naman ang paalala sa atin ng Panginoon ngayon. Magpakalakas, magpakatapang kase di naman tayo nag-iisa… laging nariyan ang Panginoon at pangungunahan tayo. 
Kaya laging tatandaan, ano man ang mangyari kapag kasama natin ang Diyos ay magiging maayos at mabuti.

Panginoon palakasin mo po kami at patatagin sa landas na aming lakbayin.

Amen.

Monday, 19th Week in Ordinary Time

May mga pagkakataon na nalulungkot tayo…
Nababahala sa maraming bagay…
Natatakot sa kung anuman.
Kapag nasa ganitong kalagayan tayo dapat tayong lumapit, kumapit at sumandal sa Panginoon.

Ito ang isa sa mga ipinapahayag sa ating mga pagbasa lalo na nang unang pagbasa na kung saan ipinapahayag at ipinakikilala niya ang Diyos na totoo. Siya ang Diyos na gumawa ng mga dakilang bagay para sa kabutihan ng lahat at Diyos na masasandalan ng lahat maging ng mga dayuhan.

Kasama ng ating pagsandal at pagkapit sa kanya ay ang panawagan sa ating pagsunod sa kanyang kalooban, pagmamahal at paglilingkod sa kanya ng buo nating puso, kaluluwa at lakas.

Panginoon, ipinagkakatiwala ko po sa iyo ang aking sarili… tulungan, turuan at gabayan mo po sana ako.

Amen.

19th Sunday in Ordinary Time

Kung may isinuksok… may madudukot.
Isa ito sa mga naalala ko sa ating mga pagbasa lalo na sa Ebanghelyo.

Sinabi ng Panginoon, “Mag-ipon ng Kayamanan sa Langit.”

Simulan natin ngayon ang pag-iipon… ang pagtatabi.. ang pagsusuksok. mas madaming maisuksok… mas mainam at mas makabubuti 

Mga Kapatid, ang magagawa natin ngayon ay gawin na natin at huwag ng ipagpabukas. Mabuhay ng ayon sa itinuturo ng Panginoon… mabuhay ng naglilingkod sa kanya.

Amen.

Alam natin sapagkat paulit-ulit na ipinahahayag sa atin na dahil sa pagmamahal ay inialay ni Jesus ang kanyang buhay…

Ito ang nakita ng martir na si San Lorenzo… dahil sa ginawa ni Jesus para sa mga lahat, natutunan niyang ibigin si Jesus at dahil sa pag-ibig niya sa kanya, gayundin ang kanyang ginawa… naglingkod siya at inialay niya ang kanyang buhay para sa Kanya.

Mga kapatid, mahal tayo ng Diyos, ipinakita ito ng lubos sa pamamagitan ng pag-aalay ni Jesus ng kanyang sarili at sa araw araw na mga biyayang kanyang ibinibigay… tayo, mahal ba natin ang Diyos? Ano ang maiaaalay natin sa kanya.

Panginoon, tulungan mo po kaming maging bukas-pala upang maipakita at maiparamdam din namin sa iyo ang aming pag-ibig sa iyo sa salita at gawa.

Amen.

Friday, 18th Week in Ordinary Time

Sa unang pagbasa ipinahayag ni Moises ang mga BIYAYANG KALOOB ng DIYOS simula pa ng una upang IPAKITA, IPAALAM at IPAALALA sa mga Israelita na nakakalimot at nagdududa sa KABUTIHAN NG DIYOS.

Maganda ring gawin natin ito… may mga pagkakataon kasi na tayo ay nakakalimot din o kaya naman ay nagdududa sa kabutihan ng Diyos. Kapag dumating ang ganitong punto sa buhay natin, magandang umupo tayo at magnilay. Alalahanin natin ang kabutihan ng Diyos sa atin lalo na sa mga oras na tayo ay nangailangnan mula noon at kung paano niya tayo tinulungan. Sa pamamagitan nito, maipaalala natin sa ating sarili na ang Diyos natin ay di nagpapabaya. Siya ang Diyos nating Mabuti at hindi nagpapabaya.

Panginoon tulungan mo po akong patuloy na maniwala at magtiwala sa iyong kabutihan.

Amen.

Wednesday, 18th Week in Ordinary Time

Dahil sa maling inpormasyon mula sa mga naglibot at nagmasid Lupang Pangako… napahamak ang buong sarili… naparusahan sila at sila ay tumagal pa ng apatnapung taon sa disyerto.
Iyan ang epekto ng MALING INPORMASYON at MALING BALITA.

Mga kapatid, tayo ay tinatawag na maging TAGAPAGPAHAYAG ng MABUTING BALITA… Balitang totoo, tama at nakabubuti sa ating kapwa. 

Huwag sana tayong magpahayag ng mali sapagkat ito ay maaring magdulot ng kapahamakan sa mga makakarinig nito. HUWAG NATING IPAHAMAK ANG ATING KAPWA gayundin ang ating mga sarili.

Amen.